Si Provincial Governor Jose Ma. R. Zubiri, Jr. kauban ang mga personahe sa Provincial Engineer Office atol sa gihimo nga on-site inspection sa mga priority infrastructure projects niini niadtong Enero 28, 2021, syudad sa Malaybalay, Bukidnon.

Press Release No. 28 | January 29, 2021

MIHIMO si Provincial Governor Jose Ma. R. Zubiri, Jr. sa on-site inspection alang sa mga priority infrastructure projects niini dinhi sa syudad sa Malaybalay kagahapong adlawa-Enero 28, 2021 kauban ang mga personahe sa Provincial Engineer Office (PEO) nga gipangunahan ni Provincial Engineer Albert D. Yulo, ingon man ni PGO-PAIA Head, Mr. Hansel T. Echavez.

Base sa data gikan sa PEO, ang design and build scheme alang sa katukoran sa Gymnasium (with estimated 3,000 seating capacity) sa Provincial Sport Complex, gigahinan sa kantidad ₱441,609,165.34 sa Pangagamhanang Probinsyal, lakip na niini ang Quarters and Road Networking, ingon man ang pagpasuga sa mga dalan niini, drainage sewerage nga nahimutang sa Barangay Laguitas ning syudad, kung aha sobra 58% na usab ang accomplishment niini nga proyekto.

Gawas niini nga budget allocation sa PGB alang sa Gymnasium ug Site Development, gigahinan usab kini ug pondo sa nasudnong pangagamhanan, pinaagi sa Department of Public Works and Highways Regional Office X, ubos sa pagpaningkamot ni Senator Juan Miguel “Migs” F. Zubiri, kantidad ug ₱1,447,755,726.80 alang sa katukoran sa mga mosunod: Grandstands 1, 2, and 3; Northern Mindanao Culture and Arts Center; Perimeter Fence with Fence Lights; Track and Field and Track Oval; Aquatic Center, ug Multi-Purpose Facility.

Samtang ang pagtukod sa Commercial Arcade nga nahimutang dinhi sulod sa Capitol Compound (kanhi nahimutangan sa PDRC), kantidad sa ₱27,415,127.06 ang gigahin nga pondo sa PGB ug sobra 89% ang accomplishment niini, samtang sobra 30% accomplishment usab ang katukoran sa duha (2) ka unit sa 3-storey Bukidnon Commercial Buildings (atbang sa Malaybalay Plaza ug ang nahimitangan kaniadto sa BUSECO) nga adunay budget allocation kantidad ₱193,056,186.77.

Gipaningkamotan ni Provincial Governor Jose Ma. R. Zubiri, uban sa mga kaubang opisyal sa probinsya, nga kini nga mga proyekto mamahimong legasiya niya, subay sa iyang Infrastructure Support nga Pillar of Good Governance.

###