Gi-presenta ni PDRC Provincial Jail Warden Allan M. Gurrea ngadto kang Provincial Governor Jose Ma. R. Zubiri, Jr. ang Certificate of Recognition nga naangkon sa Bukidnon Provincial Detention and Rehabilitation Center isip usa sa Top 10 Best Managed Provincial Jails in the Philippines sa tuig 2020 nga gihatag atol sa ika-tulo (3) ka tuig nga Founding Anniversary sa Provincial Jail Employees Association of the Philippines (PJEAP), Inc. kaniadtong December 6, 2020, pinaagi sa virtual awarding. Ang pag-presenta ni Mr. Gurrea nahitabo niadtong Enero 12, 2021 sa opisina sa Gobernador.

Press Release No. 4 | January 8, 2021

NAANGKON sa Bukidnon Provincial Detention and Rehabilitation Center (PDRC) ang award isip Top 10 Best Managed Provincial Jails in the Philippines 2020 sa pagpanguna ni Provincial Jail Warden Allan M. Gurea.

Ang maong pasidungog duyog sa pagsaulog sa ika-tulo ka tuig nga anibersaryo sa pagkatukod sa Provincial Jail Employees Association of the Philippines (PJEAP) kaniadtong December 6, 2020. Dungan niini, gipahigayon usab ang Top 10 Most Outstanding Provincial Jail Employees of the Philippines 2020.

Kauban sa PDRC nga nakasulod sa top 10 mao ang Ilocos Sur Provincial Jail, Nueva Vizcaya Provincial Jail, Marinduque Provincial Jail, Misamis Oriental Provincial Jail, Isabela Provincial Jail, Ilocos Norte Provincial Jail, Davao Oriental Provincial Jail, Agusan del Norte Provincial Jail, ug La Union Provincial Jail.

Sa data gikan kang Assistant Warden Nelson A. Balaba nga lakip sa gibasihan sa maong award ang lima (5) ka sukaranan sa rehabilitasyon nga mao ang mga musunod:

  1. Intellectual lakip nga programa sa PDRC ang pagtudlo sa mga inmates pinaagi sa Alternative Learning System (ALS) Technical Education Skills and Development Authority (TESDA), ug mga livelihood pinaagi sa Provincial Agriculture’s Office;
  2. Spiritual– girespeto sulod sa PDRC ang tanang klase sa relihiyon diin gitagaan kini ug panahon sa pagsimba unsa ilang gituohan;
  3. Social– gitagaan usab ug higayon ang mga inmates nga makighalubilo sa usag-usa pinaagi sa pagkiglambigitay.
  4. Psychological– ang tanan inmates gitagaan sa higayon nga makighimamat sulod sa selda sa ilang pamilya ug kapikas sa kinabuhi ug gigahinan ug pribadong lugar nga conjugal room;
  5. Physical– diin ang mga inmates adunay higayon sa pagdula sa basketball ug pag-exercise, samtang ang mga babae aduna’y zumba ug uban pang kalihukang pisikal.

Apan gumikan sa pandemya nga COVID-19, gilimitahan una ang pagbisita, pakipaghalubilo ug mga kalihukan sa mga inmates sulod sa PDRC aron malikay sa maong virus.

Ang PDRC midawat sa ilang sertipikasyon gikan sa PJEAP isip pasidungog ug pag-ila sa ilang mga maayong buhat sulod sa maong buhatan. Malipayon usab si Gov. Zubiri sa maong pasidungog ug gidasig niini ang mga nagdumala sa maong buhatan nga ipadayon ang ilang maayong nangasugdan.  

###