Malipayon nga gipakisayud ni Provincial Governor Jose Ma. R. Zubiri, Jr. sa tanang Department/Division Heads uban sa mga Chief of Hospitals ang kalambuan nga naangkon sa Bukidnon nga nominado isipWorld’s Most Sustainable and Liveable Province ug siya isip amahan sa probinsya nominado usab isip Awarded Honorary Governor of The Year, atol sa gipahigayong unang meeting sa tuig niadtong Enero 7, 2021 didto sa Kaamulan Open Theater, Kaamulan Park, Malaybalay City, Bukidnon.

Press Release No. 3 | January 8, 2021

MAPASIGARBUHON nga gipadangat ni Gov. Jose Ma. R. Zubiri, Jr. ngadto sa mga Department/Division Heads ug mga Chief of Hospitals sa walo (8) ka mga Provincial Hospitals nga ang Probinsya sa Bukidnon nominado isip World’s Most Sustainable and Liveable Province ug siya isip amahan sa probinsya nominado usab isip Awarded Honorary Governor of The Year, atol sa gipahigayong unang meeting sa tuig niadtong Enero 7, 2021 didto sa Kaamulan Open Theater, Kaamulan Park, Malaybalay City, Bukidnon.

Basi sa sulat nga gipadangat ngadto kang Gov. Zubiri nga ang maong nominasyon resulta sa gipahigayong research and analysis sa mga environmentalist, architects, urban planners, civic group, entrepreneurs ug strategists nga gitudlo sa council members sa Sustainability Standards Awards Committee.

Ang Sustainability Standards usa ka international nga grupo nga nag-ila sa mga kalambuan sa mga individual, family, community, business, local government units, national government ug non-government organization in population welfare, gender equalities, health, resource exchange, enterprise, employment, organizational development, entertainment, tourism, recreation, infrastructure, resource management, exploration, environmental concerns, disaster risk reduction and resiliency management pinaagi sa community certifications.

Ang Selection Committee migamit sa mga sukaranan ug pamaagi sa Sustainable Development Goal nga susama sa The Most Sustainable and Liveable Community nga nagtangag sa temang “Ensure, Promote the Integration and the Principles of Smarter, Sustainable and Greener Community”. Tumong sa maong proyekto nga maila ang mga maayong binuhatan sa mga Probinsya, Distrito, Party-List, Munisipyo, Barangay ug Komyunidad nga nakabase sa mga musunod: Good Health and Well-Being; Proper Waste Disposal and Segregation; Gender Equality; Peace, Justice and Strong Institutions; Disaster Preparedness; Public Infrastructure and Service Connectivity; Public Protection and Safety; Green Innovation and Infrastructure; Partnership for Goals; Affordable and Clean Energy; Clean Water and Sanitation; Decent Work and Economic Growth; Reduced Inequalities; Most Equitable Use of Land and Resources; Risk Reduction and Resiliency Management; Mobility for Affordable, Accessible and Safe Transport; Aesthetics and Service Innovation Responsible; Consumption and Production; Climate Action; and Sustainable Province and Communities.

Malaumon si Gov. Zubiri nga maangkon ang maong pasidungog gumikan kay ang iyang mga programa sa probinsya nahasubay sa criteria nga gipangita sa maong komitiba. Ang maong awarding ipahigayon sa Sustainability International Standards Awards and Convention sa umaabot Septembre 9, 2021 didto sa kauluhan.

###