Mga personahe gikan sa Philippine Rural Development Program (PRDP) ug Bukidnon Provincial Agriculture Office, uban sa lokal nga opisyales sa lungsod sa Kadingilan, Bukidnon sa gihimong Pre-Construction Meeting alang sa Cacao Processing and Marketing Enterprise Project didto sa Kadingilan Municipal Hall, Kadingilan, Bukidnon kaniadtong Enero 14, 2021.

Press Release No. 11 | January 15, 2021

GIPAHIGAYON ang Pre-Construction Meeting sa Philippine Rural Development Program (PRDP) ug sa Provincial Government of Bukidnon (PGB), pinaagi sa Bukidnon Provincial Agricultures Office, alang sa Cacao Processing and Marketing Enterprise Project didto sa Kadingilan Municipal Hall, Kadingilan, Bukidnon kaniadtong Enero 14, 2021.

Ang maong panagtigum gitambungan ni Provincial Agriculturist Alson G. Quimba uban sa iyang mga staff, mga myembro sa Balaoro Farmers Association (BAFA) nga mao ang mahimong recipient sa maong proyekto, PRDP component group staff, Municipal Agriculturist, Municipal Engineer, contractor nga mao ang F.P Carreon Construction, Provincial Planning and Development Office ug Provincial Engineering Office.

Matud pa ni Agriculturist II Leizl Mae T. Guadalquiver nga lakip sa gihisgutan sa maong meeting ang briefing and orientation ug mga rekisitos sa pagtukod sa processing center sa produktong cacao lakip na niini ang lugar kung asa pagatukuron ug ang pagkoral sa maong palibot. Mokabat ngadto ₱10.8-million ang kinatibuk-ang budget alang sa maong proyekto diin anaa usab sa ₱4,016,399.17 ang kantidad alang sa processing center. Sa kinatibuk-ang budget, 60% niini ang pagapunduhan sa World Bank, 20% ang sa Government of the Philippines (GOP) ug 20% usab sa Provincial Government of Bukidnon. Gawas niana, mohatag usab ug 20% sa kinatibuk-ang pundo isip counterpart in cash or in kind ang proponent group nga mao ang BAFA.

Mokabat ngadto sa 200 kapin kung kulang nga mga myembro sa BAFA nga makabenipisyo sa mamahimong Cacao Processing and Marketing Center nga pagatukuron sa Brgy. Balaoro, Kadingilan, Bukidnon diin ang mamahimong produkto niini ang tablea.

Hugot usab nga gisuportahan ni Bukidnon Provincial Governor Jose Ma. R. Zubiri, Jr. ang maong programa gumikan kay usa kini ka pamaagi nga mahatagan ug malungtarong panginabuhian ang mga katawhan sa probinsya, ilabi na ang mga pinakakabus nga pamilya.

###