Orientation sa Provincial Scholarship Program ni Governor Jose Ma. R. Zubiri, Jr.

Press Release No. 17 | January 19, 2021

NAKAPAHIMULOS ang mokabat ngadto sa 152 ka mga studyante sa Provincial Scholarship Program ni Bukidnon Provincial Governor Jose Ma. R. Zubiri, Jr. Kini basi sa gipasa nga accomplishment report sa Provincial Governor’s Office-Provincial Scholarship Program Division for the School Year 2019-2020.

Ang Scholarship Program usa sa prayoridad nga programa ni Gov. Zubiri nga nagtumong nga matabangan ang mga kabus nga mga studyante ilabi na ang mga lumad. Kini gigahinan sa gobernador ug mokabat ngadto sa singko (5) milyones ka pesos matag tuig lakip na niini ang board and lodging allowance ug book allowance sa mga scholar nga studyante.

Sa first semester, 139 ka mga studyante ang nagtungha sa Bukidnon State University (BukSU) ug 43 ang anaa sa Central Mindanao University (CMU). Samtang sa 2nd semester, 126 ka mga scholar ang nagtungha sa BukSU ug 26 sa CMU.

Matud pa ni Provincial Scholarship Program Officer Juna D. Jabat, nga mokabat ngadto sa ₱2,457,000.00 ang nagasto sa first semester samtang ₱1,672,000.00 sa second semester diin mi-total kini sa ₱4,129,000.00 sa school year 2019-2020.

Ubos sa scholarship program, ang mga studyante kinahanglan momintinar sa grado matag subject ngadto sa 85% o 2.25 sa mga studyante nga dili lumad samtang 75% o 3 ngadto sa mga studyante nga adunay dugo nga lumad.

Malipayon usab si Gov. Zubiri nga nasayran nga sa tuig 2020, adunay 2 ka mga migradwar sa mga scholar sa probinsya nga gikan sa BukSU diin pareho kining nagkuha sa kursong Bachelor of Science in Accountancy.  Dugang usab ni Gov. Zubiri nga magpadayon ang iyang scholarship program hangtud matapos ang iyang termino isip gobernador sa probinsya.

###