Si Provincial Governor Jose Ma. R. Zubiri, Jr. sa iyang pagpahulagway kauban ang media personalities sa Bukidnon ug staff sa PGO-PAIA human sa pagpahigayon sa gipatawag niini nga Press Conference, niadtong Enero 25, 2021 sa Kaamulan Open Theater, Kaamulan Park, syudad sa Malaybalay, Bukidnon.

Press Release No. 22 | January 25, 2021

NAGPATABANG si Provincial Governor Jose Ma. R. Zubiri, Jr. sa media personalities sa Bukidnon nga pahimangnoan diha sa ilang mga programa sa radyo ug telebisyon matag adlaw ang katawhan nga sa tanang panahon obserbahan ang minimum health requirements nga gitakda sa Department of Health batok sa COVID-19.

Sa gipahigayon nga press conference ni Governor Zubiri kaganihang buntag sa Kaamulan Open Theater, kinasing-kasing nga gihangyo sa gobernador ang mga higala sa media nga tabangan siya sa pagpahinumdum sa katawhan nga dili kalimtan ang kanunay nga pagsuot sa face mask ug face shield, paghugas o pag-alcohol sa kamot ug kanunay obserbahan ang social distancing gikan sa laing tawo. Kini ang labing epektibo nga pamaagi aron nga malikayan ang pagkuyanap sa COVID-10 virus sa matag higayon nga mogawas sa ilang panimalay alang sa importante nga lakaw, sama sa merkado, terminal ug bisan sa malls.

Nag-unang gipangutana sa media ang kabahin sa COVID-19 vaccine sa kung unsa ang pamaagi o proseso sa pagbakuna niini ug ang storage facility alang sa vaccine, sugyot sa katukoran sa Provincial Task Force nga mosusi sa mga establisamento kung nasunod ba niini ang minimum health requirements ug ang pagpatuman sa regular disinfection, mga preventive measures nga gipatuman sa probinsya, ug daghan pang uban.

Buot ni Governor Zubiri nga mahimong regular ang pagpabati sa pahimangno sa media ngadto sa katawhang tigpaminawan nila sa ilang mga programa sa katuyuan nga masabtan nila nga ang COVID-19 virus dili tiaw-tiaw ug kini seryoso nga problema.

Alayon niini, gipadangat sa gobernador ang ulahing update sa listahan sa COVID-19 sa Bukidnon, as of today-January 25, 2021, alas 8 sa buntag: adunay 1,355 nga total number of confirmed cases; 198 active cases; 26 deaths; and 1,131 recoveries. Gikan sa maong ihap sa active cases, 56 niini gikan sa Malaybalay City, 45 sa Valencia City, 21 sa Manolo Fortich, 17 sa Maramag, 14 sa Don Carlos, 13 sa Dangcagan, 8 sa Libona ug ang uban nga mga lungsod nakatala sa dili molapas sa 5.

###