Press Release No. 25 | January 27, 2021

MIABOT ngadto sa 329 ka mga panimalay ang napatukod ug naapud-apud sa Pangagamhanang Probinsyal sa Bukidnon sa pagpaningkamot ni Bukidnon Provincial Governor Jose Ma. R. Zubiri, Jr.  pinaagi sa PGO-Real Estate and Housing Development Division (REHDD) ngadto na sa mga informal settlers’ families (ISF) ug sa mga empleyado sa probinsya, sa tuig 2020.

Basi sa accomplishment report nga gipasa sa PGO-REHDD sa pagpanguna ni Officer In-Charge Engr. Walter V. Borres ngadto sa Provincial Planning and Development Office, mokabat ngadto sa ₱147,306,459.30 ang kinatibuk-ang kantidad sa maong mga panimalay.

Lakip na niini ang 30 ka balay nga nahimutang sa Natid-asan Paglaum Village, Casisang, Malaybalay City nga gisugdan niadtong Marso 19, 2020 ug mikabat sa ₱5,854,871.09, 10 ka mga balay nga mikabat sa ₱18,587,752.42 ug dugang 20 (Model A and B) sa Executive Area, Panorama Heights Subdivision, Kalasungay, Malaybalay City nga gisugdan niadtong Abril 6, 2020 nga mikabat sa ₱41,587,358.19, pagkumpleto sa 38 ka balay nga mikabat sa ₱5,593,971.17 ug construction sa dugang 89 ka mga balay nga mikabat sa ₱24,876,398.90 didto sa Bukidnon Housing and Resettlement Program (BHRP) Phase-5 nga gisugdan niadtong Hulyo 6 ug 7, 2020, construction sa dugang 53 ka mga balay nga mikabat sa ₱13,805,873.54 sa Danggawan Paglaum Village, Maramag niadtong Hulyo 7, 2020, construction sa 20 ka balay with septic vault nga mikabat sa ₱6,057,172.40 sa Casisang, Paglaum Village, Malaybalay City  niadtong Hulyo 20, 2020, construction sa dugang 21 ka mga balay (Socialized Area) nga mikabat sa ₱17,123,335.84 sa Panorama Heights Subdvision, Kalasungay, Malaybalay City niadtong Septembre 2, 2020, construction sa dugang 8 ka mga balay nga mikabat sa ₱2,227,935.75 ug laing 40 sa Natid-asan Paglaum Village, Casisang, Malaybalay City nga mikabat sa ₱11,591,790.00.

Ang PGO-REHDD nanguna usab sa mga kalihukan sama sa pag-turnover sa 34 ka housing units sa Panorama Heights Subdivision (Socialized Housing) nga gipahigayon niadtong Marso 9, 2020 sa Kalasungay, Malaybalay City, clearing of structures sa 11 ka mga Informal Settler Families (ISF) sa Purok 3, Sumpong, Malaybalay niadtong March 20, 2020 ug girelokar sa Natid-asan Paglaum Village, pagpa-raffle sa 33 ka Slots (Units) para sa Natid-asan Paglaum Village Project nga gipahigayon sa Kaamulan Open Theatre niadtong Oktubre 22, 2020 pag-turnover sa 40 ka Housing Units sa Natid-asan Paglaum Village didto sa Natid-asan Paglaum Village kaniadtong Nobyembre 6, 2020 ug pagpaghigayon ug orientation sa mga benepisyaryo alang sa Danggawan Paglaum Village Project (53 Units) nga gipahigayon sa Barangay Hall sa Danggawan, Maramag niadtong Disyembre 21, 2020.

Ang PGO-Real Estate Housing and Development Division usa sa mga prayoridad nga proyekto ni Gov. Zubiri sa iyang administrasyon nga nagtumong nga matukuran ug disenting panimalay ang katawhan sa Probinsya sa Bukidnon sa barato nga binulan ngadto sa mga empleyado ilabi na sa mga lumad, mga informal settlers ug mga pinakabus nga pamilya sa atong probinsya. Nasayran nga gikan sa tuig 2001 hangtud sa tuig 2020, kinatibuk-ang 2,682 ka mga housing units na ang natukod ni Governor Zubiri sa kantidad nga ₱428,042,383.21.

###