Press Release No. 29 | February 1, 2021

MIRESULTA sa taas nga koleksyon sa 2020 Real Property Tax (RPT) ang gipahigayon nga General Revision sa Schedule of Market Values of Real Properties sa probinsya sa Bukidnon niadtong tuig 2018, diin natala sa 522% ang usbaw niini.

Sa data gikan kang Provincial Assessor Roger G. Guillermo, EnP, REB, REA, base sa gisumite nga 2020 Annual Accomplishment sa maong opisina, anaa sa ₱89,653,467,007.00 ang market value sa tuig 2020 gikan sa ₱17,122,318,931.00 sa tuig 2017. Niini nga datos, mitala kini sa ₱21,793,531,536.00 nga assessed value sa tuig 2020 gikan sa ₱4,172,796,113.00 sa tuig 2017. Dinhi mi-usbaw ang 2020 RPT Collection ngadto sa ₱435,870,630.72 gikan sa ₱83,455,922.26 sa tuig 2017. Sa maong kantidad, mikabat ngadto sa ₱185,245,018.06 ang 2020 RPT Provincial Share nga 35% [45%-Municipal Share; 25%-Barangay Share] gikan sa ₱35,468,766.97 sa tuig 2017. Ang nakolekta nga kantidad sa RPT, mopadulong usab sa nakahan-ay nga mga priority projects sa Pangagamhanang Probinsyal, sa pagpanguna ni Governor Jose Ma. R. Zubiri, Jr.

As of December 31, 2020, ang Total Accumulated Assessed Value sa Real Properties sa Bukidnon miabot sa ₱33,581,021,249.86 alang sa 325,428 nga Real Property Units (RPUs) [parcel of land and parcel of buildings and other improvements], diin sa tuig 2019 mitala lamang kini sa ₱26,821,631,982.95 alang sa 288,771 nga RPUs. Sa maong datos nga pagsaka sa ihap sa RPUs, gipasabot ni Mr. Guillermo nga kini gumikan sa bag-ong mga diskobre nga real property units sama sa katukoran sa renewable sources of energy dinhi sa probinsya.

Sa gisumite nga 2020 Accomplishment Report, miabot sa 4,715 ang naaprobahan nga tax declarations diin 1,904 niini ang bag-o, 1,568 ang gi-usab (revised), ug 1,243 ang transferred; 4,402 usab ang napagula nga Real Property Certifications; 4,191 Certified True Copy sa Tax Declarations; ug 328 ang Annotation/Release of Encumbrance.

Ang opisina sa Provincial Assessor Office mao ang natahasan sa pagpahigayon sa appraisal and assessment sa tanang real properties sulod sa Bukidnon, ma-buhisan man o dili, pinasikad sa gibag-o nga Schedule of Fair Market Values subay sa SP Ordinance No. 2017-054R(13th SP), pinitsahan December 19, 2017.

Ang gihimo nga general revision sa RPT niadtong 2017, nagsunod sa gitakda sa Local Government Code subay sa R.A. 7160, Philippine Valuation Standard ug Mass Appraisal Guidebook nga gipagula sa Department of Finance, Manual of Real Property Appraisal and Assessment Operations sa Department of Finance Local Assessment Regulations, ug uban pang mga kasamtangang lagda, regulasyon ug panudlo nga nagdumala sa mga pagtimbang-timbang sa real properties.

###