Press Release No. 35 | February 5, 2021

GIPANINGKAMOTAN sa Department of Tourism (DOT)-Regional Office 10, pinaagi kang Regional Director Marie Elaine S. Unchuan, nga mahatagan sa pinaka-ulahing kasayuran ug kalambuan sa pagdumala sa turismo sa bukid (mountain tourism) ang mga naglihok niini aron hisgutan ang mahimong hiniusa nga polisiya sa katuyoan nga mapalambo pa ang turismo sa probinsya inubanan sa paningkamot nga mapadayon ang pagpreserba ug pagtipig sa kahinguhaan (resources) sulod sa mga mountain ranges, atoll sa gipahigayon nga Mountain Tourism Stakeholder’s Forum, karong adlawa-Pebrero 5, 2021 sa Kaamulan Open Theater, Kaamulan Park, syudad sa Malaybalay, Bukidnon.

Gihisgutan ang polisiya nga angayang sundon sa buot mosaka sa mountain ranges, ilabi na ning panahon sa pandemya, nga kinahanglang adunay medical certificate nga mag-deklara nga Non-PUM/Non-PUI within 48 hours prior sa pag-abot sa opisina sa Mt. Kitanglad-PAMB ug sa LGU-Pangantucan alang sa buot mosaka sa Mt. Kalatungan, gawas pa niini ang fit to clime medical certificate, valid ID nga government issued. Gikunhuran usab ang ihap sa gidaghanon sa mosaka sa Mt. Kitanglad nga gikan sa 15 person/group kaniadto, karon 8 person/group na lang sa usa ka adlaw, samtang sa Mt. Kalatungan, gikan sa 80 person/day, karon 40 person/day na lang. Kini gitambungan sa mga tourism officers, mountain/eco guides, DOT-Accredited tour operators, Provincial Environment and Natural Resources-Bukidnon, Protected Area Superintendent ug ang Chairman sa Committee on Tourism sa Sangguniang Panlalawigan.

Base sa data gikan sa Provincial Tourism Office, pinaagi ni OIC Provincial Tourism Officer Butch Anthony G. Melendez, nga ang Bukidnon adunay kinatibuk-ang 66 ka mountain tourism attractions, nag-ona dinhi ang Mt. Kitanglad Range Natural Park ug Mt. Kalatungan. Gawas niana, sa eco-tourism mitala usab ang probinsya sa mosunod: lake, adunay 13 ka sites; river and landscapes-8; falls-60; caves-27; ug unique natural landscapes and natural attractions-6.

Gipasidan-an ang mga interesadong turista sulod sa Bukidnon nga angayang makisayud pag-ona ug sundon kanunay ang minimum public health protocols, mamahimong mobisita sa official Facebook account Kitanglad Rnp o ba kaha email sa kitangladpamb@gmail.com alang sa Mt. Kitanglad Range Natural Park, samtang sa Mt. Kalatungan, mamahimong mobisita sa Facebook page Tourist Spots in Pangantucan, Bukidnon o inquire sa official contact number 0997-795-4507, o ba kaha contact sa Provincial Tourism Office sa numero 0906-716-9087.

Kanunay nga anaa sa prioridad ni Provincial Governor Jose Ma. R. Zubiri, Jr. nga maprotektahan ang kabukiran sa probinsya ug aron nga mapahugtan ang pagpreserba niini, migahin kini ug ₱5,000,000.00 alang sa Mt. Kitanglad Range Natural Park ug ₱4,000,000.00 usab alang sa Mt. Kalatungan alang ning kasamtangang tuig 2021, base sa data gikan sa Provincial Budget Office.

###