Press Release No. 38 | February 9, 2021

MITALA sa 1,521 ang mga Persons Deprived of Liberty o PDL ang anaa diha sa Provincial Detention and Rehabilitation Center o PDRC nga anaa ubos sa ilang pag-amuma sa tuig 2020, kini basi sa gipasa nga 2020 Accomplishment Report sa maong buhatan ngadto sa Provincial Planning and Development Office.

Sa kasayuran gikan kang Assistant Provincial Warden Nelson A. Balaba nga lakip sa ilang programa ang lima (5) ka sukaranan sa rehabilitasyon nga mao ang mga musunod: Intellectual- lakip nga programa sa PDRC ang pagtudlo sa mga inmates pinaagi sa Alternative Learning System (ALS) Technical Education Skills and Development Authority (TESDA), ug mga livelihood pinaagi sa Provincial Agriculture’s Office; Spiritual– girespeto sulod sa PDRC ang tanang klase sa relihiyon diin gitagaan kini ug panahon sa pagsimba unsa ilang gituohan; Social– gitagaan usab ug higayon ang mga inmates nga makighalubilo sa usag-usag pinaagi sa pagkiglambigitay.  Psychological– ang tanan inmates gitagaan sa higayon nga makighimamat sulod sa selda sa ilang pamilya ug kapikas sa kinabuhi ug gigahinan ug pribadong lugar nga conjugal room; Physical– diin ang mga inmates adunay higayon sa pagdula sa basketball ug pag-exercise, samtang ang mga babae aduna’y zumba ug uban pang kalihukang pisikal.

Gipasigarbo usab sa PDRC nga mikabat ngadto sa ₱412,000.00 ang ilang annual income gikan sa livelihood program sa ilang mga PDL nga dako usab ug nakatabang kanila. Ang livelihood program gilangkuban sa Inmates Cooperative Store, Plastic Flower Making, Furniture Shop, T-Shirt Printing, Barber Shop, Flower Pot/Ornamental Garden, ug Handicraft (Beads).  

Dugang pa ni Provincial Asst. Warden Nelson A. Balaba nga ang income sa livelihood program sa mga PDL gamiton sa pagpalit sa ilang mga personal nga kagamitan sama sa shampoo, toothpaste, sabon, toothbrush, tissue ug daghan pang uban. Bisan pa man anaa sa sulod sa PDRC ang mga PDL ug limitado ang ilang mga gimbuhaton, gipaningkamutan sa Kagamhanang Probinsyal sa Bukidnon pinaagi sa pagpanguna ni Gov. Jose Ma. R. Zubiri, Jr. ubos sa pagdumala ni Provincial Jail Warden Allan M. Gurrea nga mahatagan ug income o pangita ang mga inmates aron dili sila magsalig sa ilang mga tagsa-tagsa ka pamilya.  

Kahinumduman nga nakadawat ang PDRC ug award isip Top 10 Best Managed Provincial Jails in the Philippines sa tuig 2020 gumikan sa maayong pagdumala niini.

###