Press Release No. 44 | February 16, 2021

GIPAHIGAYON ang pag-update o pagbag-o sa Provincial Development and Physical Framework Plan (PDPFP) sa Probinsya sa Bukidnon alang sa tuig 2020-2025, sa pagpanguna sa Provincial Planning and Development Office (PPDO), ubos sa giya sa National Economic and Development Authority (NEDA) Region 10, kagahapong adlawa-Pebrero 15, 2021 sa Kaamulan Open Theater, Kaamulan Park, syudad sa Malaybalay, Bukidnon.

Gipakisayud ni provincial planning and development coordinator Engr. Jesrel B. Mangubat, EnP nga mahinungdanon ang pagama sa dokumento sa palisiya (policy document) sa probinsya, pinaagi sa PDPFP nga mao usab ang maghatag giya sa Local Government Units (LGUs) diha sa pagmugna sa Comprehensive Land Use Plan (CLUP) ug Comprehensive Development Plan.

Gisugdan sa pagtuki kagahapong adlawa ang Vision Reality Gap kon VRG (current reality vs. VRG) sa Provincial Vision Statement sa tuig 2014-2019 nga nagkanayon: “A Province of Healthy, Self-reliant people, enjoying quality of life in an atmosphere of justice, peace and harmony with an ecologically developed agri-based economy.” Sa maong panglantaw, anaa sa 60% ang nakab-ot o accomplished niini gikan sa vision elements (healthy, self-reliant, balanced environment, ecological environment, ug optimally developed agi-based economy).

Agi ug pagpalawom sa hisgutanan, gipatin-aw ni Supervising Economic Development Specialist Al’Gemregy Cuerquez sa NEDA Region 10 nga ang pagama sa provincial vision angayang maghulagway sa sulundon nga senaryo o sa gitinguha sa kagamhanang probinsyal ug ang mga tawo niini sa umaabot, bisan pa man sa mga pagpugong ug dili kasigurohan, maglangkub sa usa ka halapad ug malangkubon nga palibot, ug pwede nga dili kini hingpit nga makab-ot apan mamahimong inspirasyon alang sa mga plano ug programa isip giya sa pagpatuman niini.

Gipadayag usab sa NEDA-10, subay sa AmBisyon Natin 2040 nga Global, Philippine, and Regional Development Framework and Goals: Towards a Vision for the Future of Bukidnon diha sa pagkab-ot sa gitinguha sa katawhang Filipino nga matagamtam ang lig-on, haruhay, ug sigurado nga pagkinabuhi, anaa kini nahisakop sa Strategic Development Areas (SDAs) 3 nga Agri-Business Ventures o nag-unang gigikanan sa mga produktong agrikultura sa rehiyon, kung aha nag-unang gitotokan sa kalambuan sa SDAs 3 ang Land Use and Master Plan; Connectivity; Septage and Sewerage/Utilities; Efficient Mass Transport System; Establishment of Disaster and Response, and traffic monitoring office; Walkable neighborhoord, parks and open space towards sustainable environment; ug solid waste management system.
Gipasalamatan ni provincial administrator Atty. Jay S. Albarece ang mga mitambong sa maong workshop nga gikan sa national government agencies, local governments (provincial/city/municipal), ug non-government organizations nga miyembro sa PDC Council, kinsa mao ang mohatag sa inputs alang sa sektor sa infrastructure, health & social services, economic services, macro (local governments), ug environment. 
 

###