Press Release No. 63 | March 5, 2021

GIPAHIGAYON sa Department of Interior and Local Government- Bukidnon Provincial Office ang Localized Peace Engagement Meeting sa Bukidnon Task Force to End Local Communist Armed Conflict (BukTF-ELCAC) didto sa Kaamulan Open Theater, Kaamulan Park, Malaybalay City, Bukidnon, kagahapong adlawa-Marso 4, 2021.

Lakip sa mga intervention nga mitumaw atol sa meeting ang pagbutang ug detachment, peace talk/dialogue tali sa NPA ug AFP, pagbutang ug post-harvest facilities, solar dryer, warehouses, rice and corn harvester, farm tools, distribution of seeds, construction of irrigation canal and facilities, farm inputs, on site voter’s registration, land and boundary conflict, intervention regarding mining issues, assistance to senior citizen ug daghan pang uban. Ang uban niini gihatagan na ug aksyon samtang ang uban gipresenta ug gipaabot na ngadto sa mga hintungdang ahensya.

Mihatag usab ug update ug presentasyon si DILG-Bukidnon Cluster Head Ma. Maida B. Daniot kabahin sa Bukidnon Provincial Task Force- ELCAC diin gibutyag niini nga sa kasamtangan, nagpadayon na ang implementasyon sa Retooled Community Support Program (RCSP) sa mga lungsod sa Cabanglasan, Dangcagan, Impasug-ong, Kitaotao, Lantapan, Malitbog, Manolo Fortich, Pangantucan, Quezon, San Fernando, Sumilao, Talakag, Malaybalay City ug Valencia City. Lakip sa mga programa niini ang Organizing Citizen Movement for Peace And Development, On-going Strengthening Community Security Mechanism and Structures, pagpalig-on sa Barangay Based Institution (BBI), Serbisyo Caravan, Barangay Development Plan Workshop ug daghan pang uban diin gilauman nga madawat ang ₱1.4 Billion nga assistance gikan sa national government alang sa 71 ka mga barangay sa Bukidnon kung makumpleto ang gikatakda nga rekisitos alang sa Local Government Support Fund-Support to Barangay Development Program (LGSF-SBDP).

Lakip nga mitambong sa maong panagtigum sila Atty. Roland Detecio nga nagrepresenta kang Provincial Governor Jose Ma. R. Zubiri, Jr., DILG-Bukidnon Cluster Head Ma. Maida B. Daniot, Col. Lucito A. Mempin-Deputy Brigade Commander, 1003rd Brigade, Philippine Army, Provincial Social Welfare and Development Officer Ceferina O. Caiña, OIC Provincial Director, Bukidnon Eriberto A. Taban-ud, Jr., Municipal Local Government Operations Officer (MLGOO) mga representante sa Department of Labor and Employment (DOLE), Technical Skills Development Authority (TESDA), National Commission on Indigenous People (NCIP), Department of Agriculture, Bureau of Fisheries and Aquatic Resources, People’s Organization (PO) sa mga munisipyo sa San Fernando, Kitaotao ug Quezon.

Gipaabot ni Atty. Detecio ang mensahe ngadto sa mga membro sa Peoples Organization (PO) kung unsa ka importante ang kalinaw sa matag usa, ilabi na sa barangay, munisipyo ug syudad, sa probinsya ug sa atong nasod kay kung wala matud pa ang kalinaw, walay kalambuan nga mahitabo, ug kung walay kalambuan, apektado niini ang mga kabataan sa sunod nga henerasyon. Midasig usab kini nga pahimuslan ang mga programa sa gobyerno nga naningkamot nga mapalambo ang matag usa ka organisasyon ilabi na ngadto sa mga mibalik sa sabakan sa gobyerno, pinaagi sa programa sa ELCAC.

###