Press Release No. 65 | March 8, 2021

NAKIG-HIUSA ug misalmot ang Provincial Government of Bukidnon (PGB) sa gilusad nga Virtual Event sa Regional Development Council (RDC) – 10 ug sa Regional Gender and Development Council (RGAD) – 10 alang sa kasaulogan sa International Women’s Month ning tuig 2021, nga nagdala sa tema: “Juana Laban sa Pandemya: Kaya!”, kaganihang buntag-Marso 8, 2021, pinasikad sa Akta Republika 6949, series of 1990 nga nagdeklara sa Marso 8 matag isip National Women’s Month.

 Gi-representahan ang PGB sa Provincial Planning and Development Office (PPDO) sa maong virtual event, kung aha gipadangat ni RDC 10 chairman Governor Philip Tan sa Misamis Occidental, pinaagi ni National Economic and Development Authority (NEDA) 10 Director Mylah Faye Aurora B. Cariño, ang mensahe alang sa tanang Local Government Units nga sakop sa rehiyon nga buhaton ang kahigayonan nga mapakita ang inisyatibo sa kababayen-an, mga kasinatian, ug mga maayong buhat kontra sa COVID-19.

Subay niini nga kasaulogan, dinhi sa Bukidnon, gipagula ni Provincial Governor Jose Ma. R. Zubiri, Jr., pinaagi ni provincial administrator Atty. Jay S. Albarece ang Memorandum Order No. 64, Series of 2021 nga pag-obserba sa kasaulogan sa bulan sa kababayen-an, kung aha gi-awhag ang tanang babae nga empleyado nga mosalmot sa online activities sa Provincial Women’s Month Celebration sulod ning bulan sa Marso.

Gikinahanglang usab nga magsuot ang mga empleyadong babae sa bisan unsa nga color purple, sama sa shirts, dress, hairband, wristband, facemask o uban pa, matag adlaw’ng Lunes alang sa tibuok bulan sa Marso aron ipakita ang suporta sa paghatag gahum sa kababayen-an ug gender equality.

Pipila sa mga gihan-ay nga kalihukan alang sa Women’s Month mao ang webinars nga maghisgut sa gender sensitivity, gender-fair communication, ug GAD legal mandates. Ana-a usab ang lain-laing contest nga pagasalmotan sa tanang kababayen-an sulod sa probinsya sa Bukidnon, nga mao ang mosunod: Best Tiktok Videos sa kababayen-ang frontliners, Online Photography Contest nga magpakita sa labing kaayo nga litrato nga naghulagway sa usa ka empowered woman, Poster Making Contest, Solo Virtual Singing Contest sa mga kantang binisaya, ug Zumba Contest-Video Presentation. Ang Virtual Culminating Activity mahitabo sa Marso 26, 2021 kung aha pasidunggan ang mogulang mananaug sa maong mga pa-contest.

###