SIla Provincial Governor Jose Ma. R. Zubiri, Jr. ug Regional Director Neil Aldrin G. Omega sa Commission on Population and Development Region 10 (PopCom X) atol sa pagpirma sa Partnership Agreement tali sa PopCom X ug Provincial Government of Bukidnon (PGB) alang sa katumanan sa population programs dinhi sa probinsya, niadtong Marso 10, 2021 sa Provincial Governor’s Office, Capitol Compound, Malaybalay City, Bukidnon.

Press Release No. 69 | March 10, 2021

NAPIRMAHAN na nila Provincial Governor Jose Ma. R. Zubiri, Jr. ug Regional Director Neil Aldrin G. Omega sa Commission on Population and Development Region 10 (PopCom X) ang Partnership Agreement tali sa PopCom X ug Provincial Government of Bukidnon (PGB) alang sa pagpatuman sa population programs dinhi sa lalawigan, kaganihang buntag-Marso 10, 2021 sa Provincial Governor’s Office, Capitol Compound, syudad sa Malaybalay.

Sigun ni Karen O. Fernandez, Program Officer sa PopCom X nga nalatid sa maong kasabutan ang tabang-pinansyal kantidad ug ₱1-Million aron mamahimong sukaranan sa technical support sa PopCom ug DOH alang sa kalambuan, pagpatuman ug pagsusi sa National Program and Family Planning (NPPFP) nga nakahan-ay alang sa probinsya sa Bukidnon nga naglakip sa Responsible Parenthood and Family Planning (RPFP), Capability Development, ug Adolescent Health Development, dinhi nahilakip ang mga programa alang sa pag-monitor ug paghatag solusyon sa taas nga kaso sa teen pregnancies sa Bukidnon.

Obligasyon usab sa Probinsya sa Bukidnon ang pagtahas sa PGO-Population and Development Division nga manguna sa pakiglambigit ug pagpatuman sa mga nakahan-ay nga mga programa sa RPFP-NPPFP lakip ang pagpakunhod sa adolescent pregnancies, ug uban pa.

 Mahinumduman nga ang Bukidnon mitala ug taas nga ihap sa kaso kinatibuk-ang 11,313 live births to teenage mothers gikan sa tuig 2017 hangtud tuig 2020 nga anaa sa edad 10 hangtud 19 anyos.

 Si Governor Zubiri gitugutan sa Sangguniang Panlalawigan, pinaagi sa Resolution Number 2021-2326 pinitsahan Pebrero 16, 2021 nga mosulod sa kasabutan tali sa PopCom X sa tuyo nga hingpit mapatuman ang RPRH Law dinhi sa probinsya nga maoy mamahimong tubag sa taas nga kaso sa pagmabdos sa kabataan.

Alayon niini, bag-o lang napahigayon dinhi sa Bukidnon ang Information and Service Delivery Network (ISDN) Orientation Meeting and Action Planning for RPRH Act of 2012, kung aha mihimo usab sa pagpa-ambit ang LGU-Cagayan de Oro sa ilang good practices sa ISDN, kaganihang buntag-Marso 10, 2021 sa Loiza’s Pavilion, Casisang, syudad sa Malaybalay.

###