GIpangunahan sa Provincial Health Office ang pagpang-apod-apod sa CoronaVaccine alang sa gipahigayon nga Simultaneous Inoculation sa frontline health workers sa mga pribado ug publikong ospital sa Bukidnon, uban sa personahe sa kapulisan, niadtong Marso 12, 2021.

Press Release No. 71 | March 12, 2021

SUGDAN ang inoculation o pagbakuna sa mga frontline health workers nga anaa sa mga publiko ug pribadong nga ospital dinhi sa probinsya sa Bukidnon, alang sa Simultaneous Vaccination alayon sa National Vaccination Program kontra COVID-19 virus sa nasudnong pangagamhanan alang sa katawhang Pilipino, karong adlawa-Marso 12, 2021.

Sa pamahayag ni Ms. Aileen Shiella A. Dialimas, ang Code Chain Manager sa Provincial Health Office nga mihimo na sila sa pagpang-apod apod karong adlawa sa 3,330 doses sa mga bakuna ngadto sa vaccination sites nga adunay kapasidad sa pagtipig sa bakuna gikan sa Department of Health (DOH) Regional Field Office 10.

Target nga mabakunahan gamit ang AstraZeneca COVID-19 vaccine ang 3,330 ka mga health workers gikan sa publiko ug pribadong mga ospital sa probinsya kinsa mga nakalinya alang vaccination rollout, base sa pamahayag ni Ms. Jeanifer A. Malazarte, ang COVID-19 Vaccination Coordinator sa probinsya.

Mahinumduman nga unang nabakunahan ang mga healthcare workers sa Bukidnon Provincial Medical Center (BPMC), sanglit kini man ang gitudlo nga COVID Center sa Bukidnon. Pinaka-una nga natupokan sa bakuna ang chief of hospital nga si Dr. Miguel Antonio C. Prantilla, FPSMS, FICS, gisundan nila Dr. Jose L. Aguirre, DPCP, department chairperson of internal medicine ug ni Dra. Marbe Joy A. Depayso, DPCCP, FPM, interim chief of clinics.

Sa data nga gihatag ni Dr. Prantilla, kinatibuk-ang 476 ang nabakunahan sa BPMC niadtong Marso 8 ug natapos sa Marso 10, 2021 nga gilangkuban sa 62 ka mga doctor; 208 ka mga nurses ug nursing attendants; ug 206 ka mga personahe sa Administrative Division sa maong ospital.

Alayon niini, gisiguro ni Provincial Governor Jose Ma. R. Zubiri, Jr. ang pag-gahin ug pondo kinatibuk-ang ₱300-Million alang sa katawhan sa probinsya tungod kay dili matud pa mahimo isakripisyo ang kinabuhi sa katawhan tungod kay nagatoo kini nga ang kinabuhi sa mga tawo sa Bukidnon mas mahinungdanon kaysa sa bisan unsang programa sa probinsya.

###