Press Release No. 78 | March 18, 2021

Malamposon nga gepahigayon ang qualifying exam for Out-of School-Youth Farmers alang sa Internship Program in Taiwan karong adlawa, Marso 18, 2021 sa PPDO, Conference Room, Capitol Compound, Malaybalay City, Bukidnon.

Tumong sa maong programa nga matagaan ug oportunidad ang atong mga kabatan-onan, ilabi na ang mga out of school youth, na mamahimung farmer leaders ug empowered agricultural entrepreneurs. Kini usab maghatag ug technical knowledge and skills sa agrikultura ug cooperative management.

Ang maong programa gesuportahan sa opisina ni Senator Juan Miguel “Migz” Zubiri, pinaagi sa Department of Agriculture – Agricultural Training Institute (ATI), nga gerepresentahan ni Ms. Christine Galupo, Agriculturist II, uban sa kooperasyon sa Provincial Agriculture Office sa pagpanguna ni Engr. Alson G. Quimba, ug Ms. Emma C. Ravelo, Supervising Agriculturist uban sa koordinasyon sa Bukidnon Youth Development Office, pinaagi ni Arnie Lyn Mutia, PYDO- Designate.

Adunay upat (4) ka mga personahe nga mipasa sa maong exam: Mr. Mark Arnold M. Balansag nga taga Capitan Bayong, Impasugong; Mr. Dan Boston Albano, San Jose, Malaybalay City; Ms. Angela H. Banual, Capitan Bayong, Impasugong; ug si Mr. Jason Rey Gonzales, nga taga Linabo, Malaybalay City. Sila kinahanglang mokumpleto sa mga  rekisitos alang sa maong programa, nga gilauman nga sa bulan sa Mayo tuig 2021, sila anaa na sa kaulohan alang sa sunod sunod nga mga training programs sa dili pa mobiya padulong sa Taiwan. Ang mga galastuson sama sa plane ticket, medical exam ug uban pang mga rekisitos, pagasponsoran sa Manila Economic and Cultural Office (MECO) ug Taipei Economic and Cultural Office in the Philippines (TECO) ug sa opisina ni Senator Zubiri. Ang maong Internship Program sa Taiwan adunay kadugayon nga onse (11) ka bulan ug diin sila makadawat ug net allowance nga Php18, 000.00 per month.

Kung makompleto ang maong Internship Program, sila gemanduan nga moserbisyo sa probinsiya sulod sa duha ka tuig, ug dili pwede motrabaho abroad. Sila usab getahasan nga muhimu ug livelihood project, subay sa ilahang nakab ot nga knowledge and skills atol sa ilang internship. Ang Agricultural Training Institute mo- gahin ug ₱40,000 isip counterpart para sa ilang proyekto nga pagatukuron sa ilang mga lungsod. Mamahimu usab mu counterpart ang LGU sa maong proyekto.

Ang magmalampuson niini nga programa, prioridad nga mamahimong usa sa  mga benipisyaryo sa mga buhatan ubos sa Department of Agriculture, alang sa intervention prorams alang sa mga kabatan- onan sama sa Mentoring and Attracting Youth to Agribusiness (MAYA) sa pagpanguna sa DA-AFID ug Kapital Access for Young Agripreneurs (KAYA) pinaagi sa DA – ACPC.

###