Press Release No. 79 | March 19, 2021

MALIPAYON ug naminusan ang kabalaka diha sa ilang pag-atubang sa mga pasyenti sa 4,339 ka mga government and private hospitals frontline health workers dinhi sa Bukidnon human mabakunahan sa first dose gamit ang Sinovac ug AstraZeneca COVID-19 vaccine, alayon sa pagpatuman sa National Vaccination Program dinhi sa lalawigan nga gisugdan niadtong Marso 8 hangtud Marso 17, 2021 diha sa mga natukod nga nine ((9) Vaccination Sites, ubos sa pagdumala sa Provincial Health Office.

Sumala sa kasayuran gikan ni Ms. Jeanifer A. Malazarte, Nurse II / COVID-19 Vaccination Coordinator sa probinsya nga sa gikan sa 2,462 nga target nga mabakunahan, miabot sa kinatibuk-ang 4,339 ang hingpit nabakunahan, gawas pa kini sa 291 nga wala madayon pagbakuna gumikan sa health concerns, sama sa cardiac patients, cancer patients, enlargement of the heart patients, pregnant women ug uban pa. Aduna usab 157 ang wala magpabakuna o nagbalibad ug 44 usab ang natala nga adunay adverse reaction human mabakunahan.

Gipasabot ni provincial health officer Dr. Gary Guido C. Tabios, Jr. nga dili mahadlok kung adunay mabatyagan nga common side effects o adverse reaction, sama sa pagsakit sa ulo, panakit o puypoy ang lawas, o ba kaha hilanat gumikan kay immunologic response kini nga ga-develop ug antibody batok sa COVID-19 virus. Matag bakuna sama sa Sinovac ug AstraZeneca, lahi-lahi kini ug epekto sa lawas sa tao ug gipaniguro niini nga luwas ang maong mga bakuna sanglit miagi man kini sa makuti nga pagtoon sa mga eksperto sa syensya.

Kinatibuk-ang 530 vials ang nagamit sa Sinovac vaccine ug 366 vials sa AstraZeneca COVID-19 vaccine ang nag-gahin sa Bukidnon gikan sa Department of Health (DOH).

Gibutyag ni Dr. Tabios nga base sa report sa DOH Central Office, migula nga ang Region 10 [Bukidnon, Camiguin, Misamis Oriental, Misamis Occidental, Lanao del Norte provinces] ang adunay highest performance in terms of utilization and vaccination sa pagpatuman niini sa mga frontline health workers.

Subay sa Interim Omnibus Guidelines for the Implementation of the National Vaccine Deployment Plan for COVID-19 nga priority population groups for COVID-19 immunization, anaa pa sa A1 sa Phase 1 – Priority Eligible A ang pagpamakuna sa probinsya.

Sa kasamtangan, naglibot ang pwersa sa Provincial Health Office aron dumalahon ang simulation exercise sa Rural Health Units sa 22 ka mga LGUs sa probinsya, agi ug pagpangandam sa pagpamakuna sa sunod nga priority population groups sa National Vaccination Program. Nahuman na ang simulation exercise sa Malaybalay City, Valencia City, Manolo Fortich, Libona, Sumilao, Lantapan ug karong adlawa, didto kini gipahigayon sa Pangantucan, Maramag, Dangcagan ug Quezon, kung aha target kining mahuman sunod semana samtang magpaabot pa usab sa go signal gikan sa DOH kung kanus-a na usab ang schedule sa vaccination, depende sa available nga corona vaccine.

###