Press Release No. 111 I May 5, 2021

GIGAHINAN sa kinatibuk-ang ₱208,829,549.77 nga pondo sa Provincial Government of Bukidnon (PGB) ang lungsod sa Malitbog alang sa infrastructure projects niini sugod sa tuig 2001 hangtud ning kasamtangang tuig, ubos sa administrasyon ni Governor Jose Ma. R. Zubiri, Jr.

Gilantaw ni Governor Zubiri nga ang tukmang pagahin sa pondo mao ang usa sa labing kusgan nga mga sumbanan alang sa pagkab-ot sa malangkubon nga paglambo sa probinsya, kung aha kini nga kalambuan mahimong mapadayonon lamang kung mahimo kining sentro sa maalamon ug tukma nga pagdumala sa panalapi sa lalawigan.

Sa katuyuan nga mahimong dayag sa mga lungsuranon kung gi-unsa pagahin ang panalapi sa Bukidnon, ani-a ang mga mosunod nga proyektong gipondohan sa pangagamhanang probinsyal alang sa lungsod sa Malitbog, lakip ang sa ka-barangayan niini: 1. Infrastructure Projects implemented by PGB through Provincial Engineer’s Office – Gipa-ayo ang 137.892 kilometers nga barangay roads niini; pagpa-graba sa 5.968 kilometers provincial road sections nga matag tuig gi-mentina ug ang pagmontar sa 25 lines sa pipe culvert nga nagkantidad sa ₱26,740,248.93. Nakapatukod usab ang PGB ug 11 units or 21 classrooms sa kantidad nga ₱16,873,454.84 alang sa School Building Projects; Sa Infrastructure Building Projects, aduna usab siyam (9) ka infrastructure projects ang napabarug sama sa katukoran sa BPH-Malitbog, water system, ug uban pa nga nagkantidad sa ₱9,367,226.55; Samtang sa pito (7) ka mga Other Infrastructure / Facilities Projects nga gipa-ayo ug ang uban gipatukod nagkantidad kini sa ₱5,795,482.87; 2. Financial Assistance to Local Government Unit – Pagpatukod sa market building, market stall, food court, public terminal, municipal gymnasium sa munisipyo sa Malitbog, lakip ang ₱25-million alang sa 2021 priority infra projects. Kini adunay kinatibuk-ang kantidad sa ₱58,776,413.19; 3. Financial Assistance to Barangay Local Government Units – Kinatibuk-ang ₱57,053,136.58 ang pondo nga natunol sa gobernador alang sa nagkalain-laing barangay sa Malitbog alang sa katukoran sa ilang barangay halls, Day Care Centers, Health Centers, farm-to-market roads, solar driers, pagtukod o pagpa-ayo sa opisina sa Lupong Tagapamayapa, pagpa-ayo sa mga gambalay sa Barangay Nutrition Scholars ingon man ang sa Tribal Building, pagpalit ug school site sa Sitio Kayumangon ug yuta alang sa day care centers, katukoran sa barangay stage, water systems, basketball courts, pagpalit sa nagkalain-laing ekipo nga magamit sa kabarangayan, lakip na dinhi ang tag-₱1-million matag baragay.

Niini nga kaayuhan, dako ang pagpasalamat sa LGU-Malitbog nga gipangunahan ni Mayor Osmundo N. Dela Rosa ngadto sa mga opisyales sa PGB nga gipangulohan ni Governor Zubiri tungod kay dako na kini mahatag nga kaugmaran sa lungsod ug sa katawhan niini.

###