Press Release No. 110 I May 7, 2021

MIPADANGAT sa ilang kinasing-kasing nga pagpasalamat ang mga kanhi miyembro sa New People’s Army (NPA) sa kagamhanan alang sa hiniusa ug gipalapdan nga tabang nga naghatag-kusog sa ilang pag-surrender, atol sa gipahigayon nga Balik-Loob sa Gobyerno program niadtong Mayo 4, 2021 sa 1st Special Forces Battalion ubos sa 403rd Infantry Brigade, 4th Infantry Division sa Armadong Kusog sa Pilipinas.

Gibutyag sa usa sa 17 ka mga batan-ong kanhi sakop sa NPA nga mapasalamaton sila sa gobyerno nga gidawat sila pagbalik ug mahatagan sa kahigayon nga magsugod sa bag-ong kinabuhi kauban ang ilang tagsa-tagsa ka mga pamilya, pinaagi kang Provincial Governor Jose Ma. R. Zubiri, Jr., kinsa usa sa mga dinapit nga bisita ug mamumolong kauban sila Major General Andres Centino, commander sa 4ID, Regional Director Mari-Flor Dollaga sa DSWD Regional Office 10, ug Provincial Director Enrique Carmelo Libot sa DILG-Bukidnon Provincial Field Office. Bitbit sa pagtahan sa kanhi lumilihok sa North Central Mindanao Regional Committee (NCMRC), partikular sa Mt.Kitanglad Range Natural Park ug sa Mt. Kalatungan dinhi sa Bukidnon, ang 11 ka mga klase-klaseng armas.

Nahimong emosyunal si Governor Zubiri sa iyang pagpadangat sa mensahe-pasalamat ngadto sa 17 former rebels (FR) nga nakahatag kaniya ug dakong kalipay nga ilang nahuna-hunaan nga magkanaug gikan sa bukid aron makauban ang ilang mga pamilya. Dungan sa maong kalambuan, gitunol usab sa gobernador ang tseke nga tag-₱25-mil kada FR, kung aha adunay kinatibuk-ang kantidad nga ₱425-mil, ingon man ang tag-usa ka cartoon sa canned goods ug tag-usa ka sakong bugas, diin gikuha ang pondo sa Aid to Individuals and Families in Crisis Situation (AIFCS) sa opisina sa Provincial Social Welfare. Sa tinguha nga mahimong hingpit ang pagtabang sa FRs, magdugang pa ang gobernador sa laing tag-₱25-mil matag usa, dungan ang panghinaut nga gamiton gayud ang kwarta sa ensakto aron mabuhi ug makalahutay.

Nahimong emosyunal si Governor Zubiri sa iyang pagpadangat sa mensahe-pasalamat ngadto sa 17 former rebels (FR) nga nakahatag kaniya ug dakong kalipay nga ilang nahuna-hunaan nga magkanaug gikan sa bukid aron makauban ang ilang mga pamilya. Dungan sa maong kalambuan, gitunol usab sa gobernador ang tseke nga tag-₱25-mil kada FR, kung aha adunay kinatibuk-ang kantidad nga ₱425-mil, ingon man ang tag-usa ka cartoon sa canned goods ug tag-usa ka sakong bugas, diin gikuha ang pondo sa Aid to Individuals and Families in Crisis Situation (AIFCS) sa opisina sa Provincial Social Welfare. Sa tinguha nga mahimong hingpit ang pagtabang sa FRs, magdugang pa ang gobernador sa laing tag-₱25-mil matag usa, dungan ang panghinaut nga gamiton gayud ang kwarta sa ensakto aron mabuhi ug makalahutay.

Giila ug gipasalamatan usab ni Provincial Director Libot si Governor Zubiri sa bug-os nga suporta niini sa Enhanced Comprehensive Local Integration Program (E-CLIP) ug sa pag-agak niini sa mga FRs aron makasugod sa ilang bag-ong kinabuhi. Gipasabot ni Engr. Libot nga daghan pang assistance ang madawat sa FRs isip hinabang sa gobyerno sa ilang pagkinabuhi nga normal diha sa komunidad.

Gipanghinaut usab ni Director Dollaga nga dili magduha-duha ang mga naglihok pa sa kabukiran batok sa gobyerno nga moduol ug modangop sa mga national agencies ug sa lokal nga kagamhanan tungod kay andam kini motabang, subay usab sa direktiba sa Executive Order No. 70 ni Presidente Rodrigo Duterte nga Whole-of-Nation Approach.

Agi ug pagmatuod nga nagkahuyang ug nagkahinay ang pwersa sa NPA, gipakita ni Major General Centino, dungan sa maong okasyon, ang mga naona na nga mga nag-surrender sa nagkalain-laing battalions ubos sa 4ID nga giingong lig-ong lider sa NPA.

Gihatagan ug gimbug-aton sa mga mamomolong nga dili sulbad ang armadong pakigbisog sa insurhensya sa nasud busa angayang pahimuslan ang ECLIP, nga usa ka programa nga naghatag sa kompletong package sa tabang alang niadtong miyembro sa NPA nga motahan sa gobyerno bitbit ang ilang mga armas aron mahimong mabungahon nga mga myembro sa sosyedad.

###