Press Release No. 122 | May 14, 2021

GILANTAW sa Provincial Government of Bukidnon (PGB) ang pagpalambo sa ekonomiya sa lungsod sa Cabanglasan pinaagi sa pagpatukod sa daghanang imprastraktura nga mao ang usa sa mga lig-ong pundasyon aron makab-ot ang gitinguhang kalambuan.

Aron hingpit makab-ot ang kalampusan sa pag-uswag sa ekonomiya, gibubo sa kagamhanang probinsyal gikan sa tuig 2001 hangtud 2010 ug sa tuig 2013 hangtud ning kasamtangang tuig sa administrasyon ni Governor Jose Ma. R. Zubiri, Jr. ang kinatibuk-ang kantidad ₱410,294,050.32 alang sa LGU-Cabanglasan.

Sa paningkamot sa LGU-Cabanglasan sa pagpanguna ni Mayor Renante V. Inocando, nahatagan ug katumanan ang mosunod nga mga proyekto: 1. Infrastructure Projects nga gipatuman sa PGB pinaagi sa Provincial Engineer’s Office – mikabat sa₱179,936,064.75 ang kinatibuk-ang kantidad sa mga proyekto sama sa roads & bridges projects diin anaa sa 40.549 kilometers ang kanunay nga gipagrabahang provincial road sections matag tuig sa lungsod sa Cabanglasan, laing 4.6 kilometers sa provincial road dinhi ang napa-semento, duha ka unit sa box culverts ang nabutang, 62 lines sa pipe culverts ang namontar, tulo (3) ka tulay ang napa-ayo, duha (2) ka units sa slope protection ang natukod, ug 219.3 kilometers sa barangay roads niini ang napa-ayo diha sa 15 ka mga barangay. Laing ₱40,264,278.57 ang nagahin alang sa school building projects diin adunay 23 units or 38 classrooms ang natukod ug laing 140 classrooms ang napa-ayo, samtang usa (1) ka stage ang natukod; mikabat usab sa ₱1,357,946.00 ang kantidad nga natunol alang sa katukoran sa duha (2) ka water supply system projects;  2. Financial Assistance to Local Government Unit – pinaagi sa pag-abag sa pangagamhanang probinsyal, natukod ang mga gambalay sa maong lungsod, sama sa municipal building, market building, food court, market stall, public terminal, municipal gymnasium, legislative building, hall of justice, katukoran sa box culverts, water supply projects, pagpa-ayo sa footbridge sa stakan nga nagkantidad ngadto sa ₱126,700,000.00 ug dugang ₱25-milyones ka pesos alang ning tuig nga priority infrastructure projects sa lungsod sa Cabanglasan;3. Financial Assistance to Barangay Local Government Units – lain pang ₱62,035,761.00 ang natunol sa pangagamhanang probinsyal alang sa nagkalain-laing proyekto sa 15 ka mga barangay sa Cabanglasan, sama niining pipila ka mga proyekto: pagmugna sa pipila ka farm to market road sections, katukoran sa daghanang multi-purpose buildings diha sa kabaranggayan [barangay offices with session halls, health centers, day care centers,] solar driers, water supply system, footbridges, mini gymnasium, mini grandstand, covered court, electrification, public markets, bus terminal, pagpa-ayo sa nagkalain-laing barangay offices, lakip na dinhi ang tag-₱1-million alang sa priority barangay infrastructure projects sa mga barangay alang ning tuig 2021.

Sa maong pagbisita, nakahigayon usab si Governor Zubiri nga mapaminawan ang mga concerns sa punong barangays, ilabi na sa problema sa dalan ug diha-diha usab kini nga napangitaan ug pamaagi pinaagi sa pagkonsulta sa provincial engineer ug ni Mayor Inocando.

###