Press Release No. 128

May 28, 2021

NAGPAHIMANGO ang Provincial Government of Bukidnon (PGB), pinaagi sa Provincial Agriculture Office (PAgrO) ngadto sa mga mag-uuma sa kasagarang sintomas sa mais nga kulang sa sustansya og ang angayang buhaton kung ugaling makasinati niini.

Sa data gikan sa PAgrO nga gipagawas pinaagi sa Farmer’s Information and Technology Services (FITS-Bukidnon) facebook account, gibutyag niini ang kasagara og posibling masinati nga sintomas sa mais, mao ang mosunod: Nitrogen Deficient o ang pagdalag sa dahon nga pormang letter “V”, usa sa hinungdan niini ang kulang nga nitrogen gikan sa abono og manure/hugaw sa mananap og ang kalit nga pag-init sa panahon; Potassium Deficient o ang pagdalag og dunay color kape ang daplin sa dahon, usa sa hinungdangdan niini ang kabugnaw/ting-ulan nga panahon og ang kakulangon sa potassium nga abono og hybrid; Magnesium Deficient o pagmarka sa puti nga badlis sa ugat-ugat sa dahon og medyo adunay pagka-color ube sa ubos ug kilid nga bahin sa dahon, kini tungod sa kakulangon sa apog/lime og sobra ang pag gamit sa potassium; Phosporus Deficient o kolor ube nga makita sa ubos sa dahon gumikan sa kabugnaw sa panahon/ting-ulan o ba kaha dili epesyente sa potassium ang hybrid nga tanom; Zinc Deficient o pagdalag sa taliwala nga parte sa dahon gumikan sa taas nga pH level sa yuta; Sulfur Deficient o adunay gagmay’ng color light green sa dahon gumikan sa sobra nga ulan sa bag-o pa natanom ang mais.

          Sa impormasyon gikan sa PAgrO, ang mga angayang buhaton kung ang pananom nga mais makitaan ug sintomas mao ang pagbutang og insaktong gidaghanon sa nitrogen og potassium nga abono, paggamit ug magnesium sulfate isip abono sa yuta, pag-apply og phosphorus nga abono isip “starter”, pagbutang og igong gidaghanon sa zinc nga abono isip “starter”, pagbutang ug abono nga naay sulphur doul sa tudling, pagbutang ug insakto nga kadaghanon sa tubig nga gikinahanglan sa yuta,pag-instalar ug mga drainage dikes sa mga gahion nga parte sa yuta, likayan ang sayo nga pagtanom panahon sa ting-init, magtanom ug hybrid nga epesyente sa potassium og phosphorus, paggamit ug ubang klase sa magnesium lakip na ang abono sama sa dolomite og rock phosphate, likayan ang pagtanom sa yuta nga taas ug pH level og gamit ug ammonium sulfate [(Nh42) SO2] sa lugar nga kulang sa sulfate.

Mahinumduman nga gisugdan sa PGB ang pagpang-apod-apod sa libreng hybrid nga binhi sa mais ngadto sa 55,855 nga pinakakabus nga mag-uuma niadtong Mayo 5, 2021 kung aha mismong si Governor Jose Ma. R. Zubiri ang nanguna sa pagtunol niini ngadto sa mga Local Government Units (LGUs). Gisugdan na usab gahapong adlawa, Mayo 27, 2021 ang pagpang-apod-apod sa libreng abono nga mokabat ngadto sa kinatibuk-ang 111,710 ka bags.

Gipakisayod usab sa PAgrO nga ang si kinsa mang adunay pangutana kalabot niini, mamahimong mopadala sa ilang mensahe pinaagi sa Bukidnon Provincial Agriculture facebook account aron mahatagan ug insaktong tubag sa ilang personahe.

###