Press Release No. 130

June 10, 2021

KINASING-KASING nga pagpasalamat, duyog ang labing pagmaya ang gipadangat sa katawhan sa probinsya sa Bukidnon sa hingpit nga katumanan sa Malasakit Center nga gibuksan kagahapong adlawa-Hunyo 9, 2021 sa Bukidnon Provincial Hospital (BPH)-Maramag, Maramag, Bukidnon nga gipangunahan nila Senators Christopher Lawrence ‘Bong’ Go, Juan Miguel ‘Migs’ Zubiri, ug Provincial Governor Jose Ma. R. Zubiri, Jr.

Sa pakigpolong ni Governor Zubiri, gipaabot niini ang iyang dakong kalipay sa pagtunol sa serbisyo-medikal gikan sa nasudnong pangagamhanan dinhi sa probinsya sa Bukidnon, nga dugay na usab gihandum nga mahatagan ug katumanan. Gipasabot sa gobernador nga gumikan sa daghang pasyenti nga gaabot sa mga provincial hospitals sa Bukidnon, lapas sa authorized bed capacity niini ug sa actual implementing bed, dili kalikayan nga kulangon gayud ang supply sa medisina, ug pinaagi niini nga pagtimbayayong sa national ug provincial government, gilantaw nga magpa-igo kini sa kakulangon sa tambal sa atong provincial hospitals.

Gipakisayud usab ni Senate Majority Floor Leader Migs Zubiri nga si Senator Bong Go ang nangamahan o nagsulat sa balaudnon nga nahimong Republic Act No. 11463 nga mas naila isip Malasakit Centers Act of 2019, kung aha gipasigarbo niini ang nakitang kalambuan nga gipadangat sa gobyernong-nasyunal dinhi sa Mindanao. Tumong sa Malasakit Center nga mapalapdan ang access sa health care services sa labing kabus ug labing huyang nga mga miyembro sa sosyedad.

Samtang, gipadangat ni Senator Bong Go ang iyang hangyo sa mga personahe sa BPH-Maramag, nga gipangunahan ni chief of hospital Dr. Edmundo G. Garcia, nga asikasuhon ug dili pasagdan ang mga kaigsoonan, labi na gyud kadtong wala na’y laing kadangpan. Gipahibalo usab niini nga basta Filipino ka, qualified ka gumikan kay walay gipili ang maong programa sa Malasakit Center. Dungan sa maong pagbukas sa ika-118 nga Malasakit Center, gitunol usab kagahapong adlawa ngadto kang Governor Zubiri ang tseke nga nagkantidad sa ₱3-Million gikan sa Office of the President alang sa maong katuyuan, diin kung kini mahurot na, malauman ang subling pagpuno dinhi sa pondo.

Ang Malasakit Center usa ka one-stop shop nga gihiusa diha sa usa ka lugar alang sa DOH, DSWD, Philippine Health Insurance Corporation (PHIC), ug ang Philippine Charity Sweepstakes Office (PCSO) diin ang mga pasyente mahimong magduol alang sa medikal nga tabang.

Subay sa lagda sa pag-avail sa tabang-pinansyal, una nga ikaltas dinhi ang hinabang gikan sa host hospital, mosunod ang sa PhilHealth, Health Maintenance Organization, PCSO, DSWD, DOH, ug kung naa pa gyud mabilin sa bayranan, didto na dayon mosulod ang hinabang gikan sa Malasakit Fund.

Ang nasangpit nga 118th Malasakit Center Launching sa BPH-Maramag gitambungan sa mga kadagkoan ug representante sa DOH, PCSO, DSWD ug PHIC, ingon man sa mga mayor sa nagkadaiyang LGUs sa Bukidnon. ###

KINASING-KASING nga pagpasalamat, duyog ang labing pagmaya ang gipadangat sa katawhan sa probinsya sa Bukidnon sa hingpit nga katumanan sa Malasakit Center nga gibuksan kagahapong adlawa-Hunyo 9, 2021 sa Bukidnon Provincial Hospital (BPH)-Maramag, Maramag, Bukidnon nga gipangunahan nila Senators Christopher Lawrence ‘Bong’ Go, Juan Miguel ‘Migs’ Zubiri, ug Provincial Governor Jose Ma. R. Zubiri, Jr.

Sa pakigpolong ni Governor Zubiri, gipaabot niini ang iyang dakong kalipay sa pagtunol sa serbisyo-medikal gikan sa nasudnong pangagamhanan dinhi sa probinsya sa Bukidnon, nga dugay na usab gihandum nga mahatagan ug katumanan. Gipasabot sa gobernador nga gumikan sa daghang pasyenti nga gaabot sa mga provincial hospitals sa Bukidnon, lapas sa authorized bed capacity niini ug sa actual implementing bed, dili kalikayan nga kulangon gayud ang supply sa medisina, ug pinaagi niini nga pagtimbayayong sa national ug provincial government, gilantaw nga magpa-igo kini sa kakulangon sa tambal sa atong provincial hospitals.

Gipakisayud usab ni Senate Majority Floor Leader Migs Zubiri nga si Senator Bong Go ang nangamahan o nagsulat sa balaudnon nga nahimong Republic Act No. 11463 nga mas naila isip Malasakit Centers Act of 2019, kung aha gipasigarbo niini ang nakitang kalambuan nga gipadangat sa gobyernong-nasyunal dinhi sa Mindanao. Tumong sa Malasakit Center nga mapalapdan ang access sa health care services sa labing kabus ug labing huyang nga mga miyembro sa sosyedad.

Samtang, gipadangat ni Senator Bong Go ang iyang hangyo sa mga personahe sa BPH-Maramag, nga gipangunahan ni chief of hospital Dr. Edmundo G. Garcia, nga asikasuhon ug dili pasagdan ang mga kaigsoonan, labi na gyud kadtong wala na’y laing kadangpan. Gipahibalo usab niini nga basta Filipino ka, qualified ka gumikan kay walay gipili ang maong programa sa Malasakit Center. Dungan sa maong pagbukas sa ika-118 nga Malasakit Center, gitunol usab kagahapong adlawa ngadto kang Governor Zubiri ang tseke nga nagkantidad sa ₱3-Million gikan sa Office of the President alang sa maong katuyuan, diin kung kini mahurot na, malauman ang subling pagpuno dinhi sa pondo.

Ang Malasakit Center usa ka one-stop shop nga gihiusa diha sa usa ka lugar alang sa DOH, DSWD, Philippine Health Insurance Corporation (PHIC), ug ang Philippine Charity Sweepstakes Office (PCSO) diin ang mga pasyente mahimong magduol alang sa medikal nga tabang.

Subay sa lagda sa pag-avail sa tabang-pinansyal, una nga ikaltas dinhi ang hinabang gikan sa host hospital, mosunod ang sa PhilHealth, Health Maintenance Organization, PCSO, DSWD, DOH, ug kung naa pa gyud mabilin sa bayranan, didto na dayon mosulod ang hinabang gikan sa Malasakit Fund.

Ang nasangpit nga 118th Malasakit Center Launching sa BPH-Maramag gitambungan sa mga kadagkoan ug representante sa DOH, PCSO, DSWD ug PHIC, ingon man sa mga mayor sa nagkadaiyang LGUs sa Bukidnon.

###