Press Release No. 161

August 2, 2021

GIPANINGKAMOTAN sa Provincial Government of Bukidnon (PGB), pinaagi sa amahan sa lalawigan Governor Jose Ma. R. Zubiri, Jr., nga mahimong instrumento ug kaabag sa lokal nga kagamhanan sa syudad sa Valencia, diha sa tinguha nga mahatud sa katawhan niini ang kaarangan sa pamuyo ug kalambuan sa ekonomiya, pinaagi sa katukoran sa infrastructure projects gikan sa tuig 2001 hangtud ning tuig 2021, kung aha kinatibuk-ang ₱589,807,337.80 ang nagastu sa kagamhanang probinsyal sa Valencia City, ubos sa liderato ni City Mayor Azucena P. Huervas.

Sa hinay-hinay, misibwa ug tataw ang naangkong kalampusan sa gitinguhang kalambuan sa syudad, diin ang mga programa gikan sa PGB, nabahin sa mosunod nga mga proyekto: 1. Infrastructure Projects nga gipatuman sa PGB pinaagi sa Provincial Engineer’s Office – kinatibuk-ang₱443,642,872.57 nga pondo ang na-alokar alang sa roads & bridges projects diin anaa sa 39.117 kilometers sa provincial roads dinhi ang matag tuig nga gina-mentina sa PGB, ug laing 60.287 kilometers sa provincial road sections ang napa-semento, 148 line sa pipe culverts ang namontar, 10 units sa box culvert ang natukod, ingon man sa napulo (10) ka mga tulay, unom (6) ka unit sa slope protection and natukod ug 784.417 kilometers sa barangay roads  sa 31 ka mga barangay dinhi ang napa-ayo. Nagkantidad usab sa ₱34,662,264.26 ang kantidad sa gitukod nga 33 units or 76 classrooms, lakip na ang duha ka mini-covered court with stage sa Valencia City, ₱543,104.97 ang kantidad sa napabarug nga 1 unit community seed bank, ug ₱479,093.55 ang balor sa namontar nga water distribution line. 2. Financial Assistance to Local Government Unit – karong tuig 2021, mihangyo usab si Mayor Huervas ug dugang financial assistance alang sa ilang priority infrastructure projects nga nagkantidad sa ₱25-million. 3. Financial Assistance to Barangay Local Government Units pinaagi sa hugot nga pagsusi sa Provincial Project Monitoring and Inspectorate Team – lain pang ₱121,164,465.23 ang nagahin sa pangagamhanang probinsyal alang sa nagkalain-laing proyekto sa traynta’y uno (31) ka mga barangay sa Valencia, sama niining mosunod: katukoran sa opisina sa barangay sama sa Day Care Center, health centers, sitio or purok centers, barangay covered courts with stage, solar driers, multi-purpose buildings, barangay office with session hall, nagkadaiyang water supply projects, rehabilitation of various barangay offices, pagmentina sa kadalanan sa barangay,  barangay administration buildings, katukoran sa Colonia Kalasag Outpost, 2 unit classroom building sa Conception NHS, classroom school building sa Guinoyuran NHS Annex, electrification, pagpalit ug yuta alang sa Laligan barangay cemetery, Sinayawan public market, ug lakip na ang 2021 priority infrastructure projects sa 31 ka mga barangay.

Sa mga naangkon nga kalampusan ug kadungganan sa Bukidnon, kanunay gipasalamatan ni Governor Zubiri ang mga kaubanang lokal nga opisyal sa lalawigan ug sa  22 ka mga LGUs sa ilang sakripisyo sa ngalan sa serbisyo publiko ug sa pagsuporta sa iyang liderato, ingon man sa gihatag nga pagsalig sa katawhan diha sa iyang pagpangamahan sa probinsya sa Bukidnon.

###