Press Release No. 162

August 3, 2021

NAGAHINAN sa Provincial Government of Bukidnon (PGB) ang lokal nga kagamhanan sa syudad sa Malaybalay sa kinatibuk-ang ₱1,330,419,822,08 nga gigastu alang sa katukoran ug pagpatuman sa nagkalain-laing proyekto ug programa sa inprastraktura, gikan sa tuig 2001 hangtud ning tuig 2021.

Sa administrasyon ni Governor Jose Ma. R. Zubiri, Jr. kanunay nga gilantaw niini ang kamahinungdanon sa maayong pagdumala aron makab-ot ang kalampusan sa lalawigan pinaagi sa infrastructure projects nga magtugot sa mga lokal nga negosyo nga mapalapdan ang ilang mga serbisyo, ingon man mga kahigayonan sa daghanan pang patigayon nga magbukas.

Sa syudad sa Malaybalay, ang katumanan sa mga programa, proyekto ug kalihukan gilangkuban sa mga mosunod: 1. Infrastructure Projects nga gipatuman sa PGB pinaagi sa Provincial Engineer’s Office – kinatibuk-ang₱1,178,764,959.07 nga pondo ang na-alokar alang sa roads & bridges projects diin anaa sa 54.15 kilometers sa provincial roads dinhi ang matag tuig nga gina-mentina sa PGB, ug laing 0.245 kilometers sa provincial road sections ang napa-semento, 1.0 kilometer ang na-aspalto, 42 lines sa pipe culverts ang namontar, 2 ka mga tulay ang napaayo, 4 units sa slope protection ang nahimo ug 232.848 kilometers sa barangay roads  sa 46 ka mga barangay dinhi ang napa-mentina. Niadtong tuig 2006, gi-turnover na sa PGB ang provincial road sections sa syudad sa Malaybalay ngadto sa lokal nga kagamhanan. Nagkantidad usab sa ₱62,259,750,32 ang kantidad sa gitukod nga 59 units or 125 classrooms, lakip na ang lain pang 61 ka mga classrooms sa Malaybalay ang na-repair, ₱845,156,384.06 ang kantidad sa napabarug nga 67 infrastructure projects, ₱136,282,122.56 ang balor sa 52 ka mga other infrastructure/facilities nga gi-ayo o napaayo, ₱28,621,414.11 usab ang kantidad sa 5 ka water supply systems nga na-plastar sa PGB sa syudad sa Malaybalay. 2. Financial Assistance to Barangay Local Government Units pinaagi sa hugot nga pagsusi sa Provincial Project Monitoring and Inspectorate Team – lain pang ₱127,654,863.01 ang nagahin sa pangagamhanang probinsyal alang sa nagkalain-laing proyekto sa kwarenta’y sais (46) ka mga barangay sa Malaybalay, sama niining mosunod: katukoran sa opisina sa barangay sama sa Day Care Center, health centers, sitio or purok centers, barangay covered courts with stage, solar driers, multi-purpose buildings, barangay office with session hall, nagkadaiyang water supply projects, rehabilitation of various barangay offices, energization projects, completion sa Barangay 9 gym, renovation/completion sa Brgy 4 mini playground, covered courts, pagpalit sa yuta sa Brgys. Busdi, Cabangahan, Purok 2 Magsaysay, Mapayag, St. Peter alang sa NHS, katukoran sa mini market ug opisina niini sa Bliss, Casisang, ug lakip na ang 2021 priority infrastructure projects sa 24 ka mga barangay nga nakatigayon sa liquidation processes sa mga naunang proyekto nga gipondohan sa PGB sa ilang kabaranggayan.

Sa mga nanganlang proyekto sa inprastraktura sa capital city sa Bukidnon nga mao ang syudad sa Malaybalay, tuyo kining gipabarug ni Governor Zubiri aron nga maka-compete ang dakbayan ug makita ang labing matahum nga syudad, labi na sa mabugnaw nga klima niini nga mahimong makadapit ug daghanan pang patigayon ug turista sa umalabot nga panahon.

###