Press Release No. 170

August 19, 2021

GIPRESENTAR ni Officer-In-Charge (OIC) Chief Operation Officer (COO) Romnick Marcell sa Bukidnon Sub -Transmission Corporation (BSTC) sa mga membro 26th Sangguniang Panlalawigan (SP) sa gipahigayong 104th regular session ang mga hinungdan sa gakahitabong brownout sa probinsya sa Bukidnon human kini gipatawag ni 2nd Legislative District board member Engr. Melchor P. Maramara. Usa sa mga rason niini matud pa ang extreme weather condition sama sa kusog nga hangin, kusog nga ulan ug pagkaigo sa kilat, vegetation o pagkaigo sa kahoy sa linya sa kuryente, mga linya nga naigo sa mga ekipo, adunay nakuryentihan, equipment failure, pagkaputol sa overhead ground wire, broken insulator and flashover, transient faults, naigo sa linya ang giputol nga service drop wire ug pagkatumba sa poste.

Aron malikayan ang pagkapalong sa sugang dagitabnon, gipakisayod ni COO Marcell ang ilang mga plano ug programa sama sa pag-instalar sa NGCP Malaybalay 138/69kv Substation sa dakbayan sa Malaybalay, Inter-Connection Loop System-69 Inter-Connection Loop System – 69kV line Construction from Kisolon to Casisang, Malaybalay City, Voltage Improvement/Correction – Installation of Capacitor Bank at Lumbo SS, ug System Protection – Installation of Protective Devices along the 69kV line.

Gipanghingusgan sa SP ang hugot nga pagpatuman sa naaprobahan nga resolution no. 2020-819 sa 26th SP panahon sa 27th regular session pinetsahan Enero 14, 2020 nga naghangyo sa mga land owners sa pagtugot sa mga personahe sa First Bukidnon Electric Cooperative (FIBECCO) ug Bukidnon Second Electric Cooperative (BUSECO) nga makapamutol ug maka-trim o makapahigayon ug clearing activities sa mga kahoy o pananom sa ilang luna nga nakaigo sa linya sa kuryente nga usa sa mga hinungdan sa pagkapalong sa sugang dagitabnon.

Sa nahimong diskusyon, gipangutana ni 2nd Legislative District board member Atty. Nemesio B. Beltran, Jr. si National Grid Corporation (NGCP) district manager Voltaire R. Ramos, Jr. kung unsa ang update sa gipasa sa SP nga mga resolution no. 2019-415 sa 26th SP- 14h regular session; resolution no. 2020-1052 sa 26th SP-33rd regular session ug resolution no. 2021-3118 sa 26th SP- 100th regular session nga naghangyo sa NGCP nga mapadali ang pag-instalar sa 50MVA substation sa dakbayan sa Malaybalay ug naghangyo sa Energy Regulatory Commission (ERC) nga aprobahan ang Capital Expenditure (CapEx) application sa NGCP as an emergency CapEx para sa bag-ong 50MVA. Gibutyag ni district manager Ramos nga naghulat pa sila sa pag-aprobar sa ERC ug gibana-banang matukod kini sa tuig 2025 o mapasayo pa.

Misaad usab ang FIBECO ug BUSECO nga dili maapektuhan ang umaabot nga presidential election sa tuig 2022 sa brownout diin gibutyag usab ni NGCP district manager Ramos nga igo ang supplay sa kuryente sa pulo sa Mindanao human kini gipangutana ni board member Beltran.

###