Press Release No. 173

August 25, 2021

GIAPROBAHAN ni Bukidnon Provincial Governor Jose Ma. R. Zubiri, Jr. ang Ordinance No. 2021-058R sa 26th Sangguniang Panlalawigan (SP) 96th regular session ang ordinansa nga giuluhan ug “An ordinance institutionalizing the local magna carta for Persons with Disabilities in the province of Bukidnon providing funds thereof and for other purposes” nga gipasa ni 3rd Legislative District Board Member Minerva C. Casinabi pinitsahan Hunyo 22, 2021.

Tumong sa maong ordinansa nga mapagahum ang mga Persons with Disabilities (PwD) sa probinsya sa kinatibuk-ang konteksto ug matagaan ug malungtarong kalambuan. Kini basi sa Batas Pambansa Blg. 344 nga naila nga “Accessibility Law” nga nagmando sa mga lokal nga pangagamhanan sa pagpromotar sa mga adunay kabilingan nga walaý mamahimong babag, ug pagsunod sa Republic Act 7277 ug sa United Convention on the Rights of Persons with Disabilities (UNCRPD).

Lakip nga natala sa maong ordinansa ang katungod sa mga PwD nga mahilakip sa mga programa sa maayong panglawas diin sila adunay katungod nga masinati ang kalipay nga walaý diskriminasyon gumikan sa ilang kakulangon. Kini naghatatag usab ug kahigayonan kanila nga masiguro ang barato nga serbisyo sa maayong panglawas lakip na niini ang rehabilitasyon sa gender ug culture-sensitive nga nahasubay sa National Health Program.

Gipanghingusgan usab sa ordinansa ang katungod sa mga PwD nga masiguro nga makabaton sa hustong edukasyon nga sama sa uban ug walay deskriminasyon, mahilakip sa programang pang-ekonomiya aron mabuhi, katungod sa sosyodad nga mahatagan ug hustong pag-atiman, mahatagan ug higayon nga mapagahum ang ilang katungod nga makasalmot sa politika ug pampublikong pangagamhanan ug katungod nga maka-access sa palibot, impormasyon ug transportasyon.

Gipanghingusgan usab sa ordinansa ang katungod sa mga PwD nga masiguro nga makabaton sa hustong edukasyon nga sama sa uban ug walay deskriminasyon, mahilakip sa programang pang-ekonomiya aron mabuhi, katungod sa sosyodad nga mahatagan ug hustong pag-atiman, mahatagan ug higayon nga mapagahum ang ilang katungod nga makasalmot sa politika ug pampublikong pangagamhanan ug katungod nga maka-access sa palibot, impormasyon ug transportasyon.

Gipaniguro usab sa Administrative Provision sa Section 12 nga hustong maimplementar sa mga munisipyo ug syudad sa probinsya sa Bukidnon ug matinud-anon nga masunod ang maong ordinansa pinaagi sa Department of Interior and Local Government (DILG).

Ang maong ordinansa pinirmahan ni Secretary to the Sangguniang Panlalawigan Atty. Apollo A. Maguale, Provincial Vice-Governor Rogelio N. Quiňo- Charman and Presiding Officer ug ni Bukidnon Provincial Governor Jose Ma. R. Zubiri, Jr.

###