Press Release No. 174

August 27, 2021

GIHATUD sa kadagkoan sa Department of Health (DOH), gipangunahan ni Health Assistant Secretary Roy G. Ferrer sa Field Implementation and Coordination Team for the Visayas and Mindanao regions, sa Provincial Government of Bukidnon (PGB) ang Special Risk Allowance (SRA) alang sa doctors, nurses, medtechs, radtechs ug midwives kinsa direkta nga nag-asikaso sa mga pasyenti nga natakbuyan sa COVID-19, kaganihang buntag-Agosto 27, 2021 sa Loiza’s Pavilion, Malaybalay City, Bukidnon.

Ang DOH nag-alokar sa SRA alang sa walo (8) ka mga provincial hospitals sa Bukidnon nga nagkantidad niining mosunod: BPH-Kibawe – adunay gitagana nga 936,829.00; BPH-Maramag-520,965.00; BPH-Kalilangan-17,479.00; BPH-Malitbog-535,947.00; BPMC-10,401,821.00; BPH-Manolo Fortich-1,229,261.75.

Ang maong kantidad nagikan sa kinatibuk-ang pondo nga ₱311-million sa DOH nga gi-download ngadto sa Centers for Health Development alang sa frontline healthcare workers nga mao ang first batch sa fund transfer karong tuig 2021 alang sa paghatag sa SRA sa mga ospital nga nakasumite sa dugang lista sa eligible healthcare workers, ug laing pondo na usab ang magahin ang sa second batch sa umalabot bulan sa Disyembre 2021.

Sa maong panagtagbo kaganihang buntag, gipirmahan na usab ni Governor Jose Ma. R. Zubiri, Jr. ang Memorandum of Agreement tali sa DOH alang sa maong katuyuan, human nga nahatagan ug gahum sa Sangguniang Panlalawigan niadtong Agosto 24, 2021 nga regular session.

Gihatagan ug gimbug-aton sa DOH ang sakripisyo sa mga frontline healthcare workers busa gipaningkamotan nga mahan-ay ang mga panginahanglan aron mapa-ayo ang koordinasyon ug masiguro ang pagka-epektibo sa paghatag sa mga benepisyo sa mga frontliners nga wala’y kaluya nga nagtrabaho aron mapanalipdan ang mga kaigsoonang Pilipino.

Sa gipahigayong regular meeting sa Provincial COVID-19 Task Force kagahapong adlawa, mipalabang usab ang resolution ang hugpong nga naghangyo nga mahatagan usab sa SRA ang mga Allied Medical Personnel, sama sa PDRRMD, City/Municipal DRRM ug kadtong nag-asikaso sa Isolation Facility sa Northern Mindanao Wellness and Rehabilitation Center.

Kauban nila Asec. Ferrer ug Governor Zubiri sa maong panagtagbo sila DOH-10 Regional Director Jose R. Llacuna, Jr., DOH provincial health officer Dr. Vincent C. Raguro, BPMC chief of hospital Dr. Miguel Antonio C. Prantilla, provincial health officer Dr. Gary Guido C. Tabios, Jr. ug ni Provincial COVID-19 Task Force co-chair, Board Member Oliver Owen L.Garcia.

###