Press Release No. 175

August 27, 2021

MIABOT ngadto sa 1,788 ka mga katawhan sa tibouk probinsya sa Bukidnon ang natala sa kapulisan nga nakalapas sa gipatuman nga quarantine health protocols sa Department of Health sa bulan lamang sa Agosto 2021. Kini ang gipresentar nga report ni Police Major Donnald Cordero- Chief Provincial Operations Unit sa Bukidnon Police Provincial Headquarters sa dihang gipatawag ni 2nd Legislative District board member Engr. Melchor P. Maramara sa hawanan sa Sangguniang Panlalawigan (SP) kaniadtong Agosto 24, 2021 panahon sa 105th regular session sa 26th SP.

Ang mga nakalapas naglangkob sa mga musunod; 1,264- not wearing of face mask; 334- Improper Wearing of Face Mask; 45- Not Wearing Face Shield; 6- Improper Wearing of Face Shield ug 139- Rule on Social/ Physical Distancing diin sila makatagamtam ug silot o multa depende sa mga ordinansa sa matag Local Government Unit kung unsa ang ipahamtang kanila sa ilang kalapasan. Samtang nahimong taas ihap sa illegal gambling sa non-index crime nga mitala ngadto sa 168 sugod sa bulan sa Pebrero hantud Agosto 2021 kumpara sa 122 nga ihap niadtong Hulyo 2020 hangtud Enero 2021. Minaug usab ang ihap sa illegal drugs gikan sa 189 niadtong Hulyo 2020 hangtud Enero 2021 ngadto sa 154 sa Pebrero hangtud Agosto 2021.

Sa 8 focus crimes sugod sa bulan sa Pebro hangtud Agosto 2021 nag-una ang kasong murder nga adunay 71 ka kaso, nagsunod ang kasong rape nga adunay 51 ka kaso, robbery nga adunay 30 ug theft nga mitala ug 29 ka kaso. Sa report sa kapulisan sa accomplishment on special laws sa kompanya batok sa illegal gambling o sugal, nakapahigayon ang maong buhatan sa 176 ka mga operasyon diin 314 niini ang mga nasikop may kalambigitan sa illegal swertres operators, illegal cockfighting o sabong ug Cara y Cruz o hantak. Sa maong mga operation, mikabat ngadto sa ₱65,517.00 ang bet money o kasado, ₱1,617,771.00 niini ang balor sa mga nakompiska nga mga kagamitan diin mitotal kin isa kinatibuk-ang ₱1,683,288.00.

Samtang nakapahigayon usab ug 53 ka mga operasyon ang mga kapulisan sa illegal swertres diin nasikop ang 54 ka mga suspetsado nga nakwaan sa mitotal nga ₱14,685.00. sa motornaping, 10 ka mga suspetsado ang nasikop, 9 ang naaresto gumikan sa illegal gambling, 781 ka mga wanted persons ang nadakpan ug 151 ang sa most wanted persons.

Mapasalamaton usab ang mga kapulisan sa Bukidnon Police Provincial Headquarters sa pagpanguna ni Police Colonel Jun Mark J. Lagare pinaagi kang PMajor Cordero ngadto sa mga kadagkuan sa probinsya sa Bukidnon sa pagpanguna ni Bukidnon Provincial Governor Jose Ma. R. Zubiri, Jr. uban sa mga membro sa Sangguniang Panlalawigan sa hugot nga pagsuporta sa ilang mga programa ug kalihukan aron mapabilin ang kahusay ug kalinaw sa probinsya.

###