Press Release No. 183
September 10, 2021
APROBADO ni Bukidnon Provincial Governor Jose Ma. R. Zubiri, Jr. ang Ordinance No. 2021-062R sa Sangguniang Panlalawigan (SP) nga giuluhan ug “An ordinance for the prevention, mitigation and eradication of African Swine Fever in the Province of Bukidnon, penalizing acts in violation thereof, providing funds therefor, and for other purposes.” Kini giduso ni 3rd Legislative District Board Member Benito U. Baguio kauban nila 2nd Legislative District Board Member Nemesio B. Beltran, Jr., Provincial IPMR Board Member Richard D. Macas, 4th Legislative District Board Member Ranulfo E. Pepito g PLnB President Board Member Godofredo I. Balansag, atol sa ika-94 nga regular session sa 26th SP niadtong Hunyo 8, 2021.
Tumong sa maong ordinansa mao kining mga musunod: 1. Nga makamugna ug lig-on ug tukmang mga lakang aron masiguro nga luwas ang mga utlanan sa probinsya batok sa pagsulod ug pagkuyanap sa African Swine Fever (ASF) disease nga maoy makahatag ug peligro sa ekonomiya, pagkaon ug seguridad sa maayong panglawas; 2. Makontrola ang transportasyon, pagdumala, pagproseso, pagbaligya ug pag-dispose sa binuhing mga baboy, produkto sa baboy, imported nga mga productong baboy ug uban pang mga produkto nga ginama sa karneng baboy sa probinsya sa Bukidnon; ug 3. Aron masiguro ang kooperasyon ug pasalig sa mga opisyal sa gobyerno sa tibouk probinsya sa paningkamot nga mapromotar ang kahimsog ug kaluwasan sa katawhan.
Nahilakip usab sa maong ordinansa ang pagmugna ug Provincial Task Force on Infectious and Contagious Animal Diseases in the Province of Bukidnon diin ang mamahimong chairman niini si Gov. Zubiri ug co-chairman si Provincial Veterinarian nga si Dr. Nancy V. Diez kauban ang SP member nga Chairman On Agriculture diin membro niini ang Provincial/City Agriculture Office, Provincial Veterinary Office, Bureau of Animal Industry- National Veterinary Quarantine Services, Philippine National Police, DILG, Armed Forces of the Philippines, BENRO, Provincial Health Office, PDRRMD/CDRRMD/MDRRMD, City/Municipal Veterenarians, Municipal Livestock Coordinators, Municipal Meat Inspector, Private Sectors, Livestock and Poultry Association/Cooperatives ug Philippine Crop Insurance Corporation.
Gidasig usab ang pagpagahum sa “Bantay ASF sa Barangay Program”, pagdili sa pagbahog sa mga pasaw sa nga baboy, lakip na ang pagpatuman sa 1-7-10 Veterinary Quarantine Movement Protocol, Provincial Zoning and Movement Plan, obligado nga pagreport sa mga hintungdang ahensya kung adunay ASF sa ilang mga binuhi o sa ilang lugar, mga giya sa paghatag ug cash assistance ngadto sa mga naapektuhan sa ASF, ug pagpahamtang sa dili molapas ngadto sa 5 ka libo ka pesos sa si bisan kinsang makalapasa sa maong ordinansa.
Malipayong gipahibalo usab ni assistant provincial veterinarian Dr. Stephen M. Arcayera nga ang Probinsya sa Bukidnon nagpabilin gihapong ASF Free gumikan sa paningkamot sa kagamhanang probinsyal sa Bukidnon sa pagpanguna ni Gov. Jose Ma. R. Zubiri, Jr.
Samtang padayon nga nagpahinumdum si Governor Zubiri ngadto sa mga personahi sa Provincial Veterinary Sanitation Checkpoints sa boundary sa Bukidon nga magpabiling mabinantayon ug pahugtan pa kini aron dili makasulod ang mga baboy ug mga produkto nga gama sa karneng baboy sa atong probinsya ug magpabilin nga ASF Free and Bukidnon.
###