Press Release No. 191

September 22, 2021

KUMPLETONG nahatag sa Kagamhanang Probinsyal sa Bukidnon ang mga tseke nga nag kantidad singko (5) milyones matag usa agi og pinansyal nga subsidiya alang sa mga kalungsuran og syudad sa ilang nag-unang panginahanglanon sa pagbatok sa COVID-19 pinaage sa personal nga pagtunol ni acting provincial governor Rogelio N. Quiňo inubanan sa suporta sa mga membro sa Sangguniang Panlalawigan og representante sa kongreso nga diin malipayong gidawat sa mga mayores sulod sa upat (4) ka adlaw nga pagbisita sugod niadtong petsa 15 hangtud 22 ning bulan sa Septyembre 2021.

Kahinumduman sa nilabay nga panagtigum sa Provincial Inter-Agency Task Force Against COVID-19 nga gitambongan sa mga mayores, mihangyo kang Governor Jose Ma. R. Zubiri Jr., nga tabangan sila niining panahon sa pandemya pinaage sa ayudang salapi aron ilang ikadugang sa pagpalit sa mga kakulangon sa ilang tagsa-tagsa ka lugar.

Ang lokal nga kagamhanan sa Bukidnon diin makanunayong nagsunod sa probisyon sa Local Government Code mihimo sa pag-alokar og dakong salapi gikan sa general fund pinaage sa pinansyal nga ayuda aron sa pagpalit sama sa drugs and medicines, medical supplies and PPEs, oxygen, og capital outlay for medical equipment para mapadayong ma serbisyohan ang katawhan sa tagsa-tagsa ka mga kalungsuran og syudad sa probinsya.Kinatibuk-ang syento-singko (105) milyones ka pesos ang napa gawas nga salapi sa probinsya ang natunol ngadto na sa beynte (20) ka lungsod og usa (1) ka syudad agi ug tubag sa nadawat nga tagsa-tagsa ka resolusyon, gawas sa syudad sa Malaybalay nga hangtud karong panahuna wala pay resolusyon nga miabot sa probinsya.

Sa pagka karon, Septembre 22, 2021 ang probinsya sa Bukidnon gipailalom pa gihapon sa Modified General Comumunity Quarantine o MGCQ nga klasipikasyon nga diin basi sa report sa PHO-Bukidnon adunay natala nga 2,571 nga aktibong kaso (nag-una ang syudad sa Valencia- 1,054, ikaduha ang Malaybalay-305), 370 ang namatay, 21,265 ang naka-recover og 24,212 ang kinatibuk-ang kumpirmadong kaso sa COVI-19 sukad sa pag-sulod niini adtong nilabay nga tuig 2020.

Gipahinumduman ang tanan sa padayong pagsunod sa minimum health standards sa Department of Health o DOH, sama sa pirmeng pagsuot sa facemask og faceshield, makanunayong paghugas sa kamot, pag distansya sa ubang tao og aron mas siguro ang proteksyon, magpa bakuna na.

###