Press Release No. 193

September 27, 2021

GIPAHIGAYON sa Civil Service Commission (CSC) ang Virtual Appreciation Program for Government Frontliner, kaganiha-Septembre 27, 2021 isip paghatag ug dakong pasidungog sa mga government frontliners sa ilang dili kabayran nga kontribusyon sa pagpaminus sa epekto sa pandemya nga dala sa COVID-19 lakip na niini ang nasinati nga mga krisis sugod niadtong milabay nga tuig 2020.

Lakip nga napasidunggan sa maong kalihukan ang Provincial Government of Bukidnon sa pagpanguna ni Governor Jose Ma. R. Zubiri, uban ang laing tulo ka mga kagamhanang probinsyal sama sa Camiguin, Misamis Oriental, og Lanao del Norte, tulo ka syudad og mga rehiyonal nga ospital sa rehiyon 10.

Ang maong virtual appreciation program subay sa Memorandum Circular No. 9, series of 2021 pinirmahan ni CSC Chairperson Alicia dela Rosa-Bala diin kabahin kini sa mga kalihukan nga nakahan-ay alayon pagsaulog sa ika-121 nga anibersaryo sa Philippine Civil Service nga nagtangag sa 10 ka tuig nga temang: “Transforming Public Service in the Next Decade: Honing Agile and Future-Ready Servant Heroes”.

Mapasalamaton kaayo si Governor Jose Ma. R. Zubiri, Jr. sa CSC nga gihatagan ug pasidungog ang mga frontliners sa probinsya sa Bukidnon nga maoy naningkamot nga muminos ang ihap sa COVID-19 sa atong probinsya ilabi na usab sa mga empleyado sa ilang makanunayong pagserbisyo ug pagsuporta sa iyang mga programa.

Kini kabahin lamang sa mga kalihukan nga giandam sa CSC sa maong kasaulogan sulod niining bulan sa Septembre 2021.

###