Press Release No. 192

September 27, 2021

GILANTAW ni Governor Jose Ma. R. Zubiri, Jr. nga ang tanang katawhan kumpletong mabakunahan batok sa COVID-19 sa dili pa matapos ang tuig 2021, kini iyang gipaabot atol sa pag-kurtesiya ni Antonio Sugarol, ang bag-ong regional director sa Office of the Civil Defense (OCD) sa Rehiyon 10, inubanan nila Dr. Gary Guido Tabios, PHO Chief, Dr. Miguel Antonio Prantilla, BPMC Chief of Hospital, Mr. Israel Johann Damasco, PDRRMD head, ug Atty. Paul Vincent Villegas, Provincial Legal Officer, karong adlawa, Septembre 27, 2021 sa opisina sa gobernador, Malaybalay City, Bukidnon.

Adunay 955,000 ka mga eligible population nga target ma bakunahan sa Bukidnon diin anaa pa sa syento-syetenta mil ang fully vaccinated og sobra sa dos syentos mil pa ang nabakunahan sa unang dose, sigun ni Dr. Tabios.

Tungod niini, gihangyo ni Governor Zubiri si RD Sugarol nga hatagan ang Bukidnon sa gikinahanglang suplay sa bakuna og iyang ipasalig ang pag-dugang sa medical personnel aron mapaspasan ang pagbakuna diha sa kalungsuran/syudad og pinaage usab sa walo ka provincial hospitals sa Bukidnon diin maoy pinaka-labing importante ang kaluwasan sa katawhan karong panahuna.

###