Press Release No. 196

September 30, 2021

NAGPADAYON ang gipahigayong Garden of Go, Grow and Glow (G4) Training nga gipangunahan sa Pangagamhanang Probinsyal sa Bukidnon, pinaagi sa Provincial Agriculture’s Office (PAgrO) nga gisugdan kaniadtong Septembre 7, 2021 ug gilauman kini nga matapos sa unang semana sa Oktubre ning tuiga.

Sumala sa kasayuran nga gipadangat ni G4 and High Value Commercial Crops (HVCC) Coordinator Agriculturist II James Sale nga ang maong training gipahigayon sa upat (4) ka mga barangay sa duha (2) ka munisipyo nga naglangkob sa Barangay Barorawon, Bangbang, Ninoy Aquino ug Kinura sa munisipalidad sa  Kalilangan ug  Barangay Kitingting, Lagandang, Migcawayan ug Angga-an sa munisipalidad sa  Damulog nga mao ang top 2 municipalities nga kuyanap ang taas nga ihap sa malnutrition diin apektado ang mga pre-school and school-age children, basi sa natala nga datus gikan sa Provincial Health Office.

Lakip nga gipahigayon sa maong training ang basics and technologies in household/backyard lakip na niini ang communal gardening nga naglangkub sa: Food Production Using Bio-Intensive Gardening (BIG) approach, Small Scale Household Food Production, Crop Planning & Companion Planting, Organic Fertilizer & It’s Application, Botanical Pesticide & Control Materials, Seeds & Planting Materials ug Site Selection diin ipahigayon ang pagpananom. Lakip na usab niini ang pagpahimutang sa ilang garden, paghatag ug mga binhi ug semilya sa mga utanon, organic fertilizer ug mga kagamitan sa pagpananom.

Ang G4 Program gipunduhan sa Provincial Gender and Development (GAD) isip suporta sa Nutrition Program sa probinsya nga nagtumong nga mapalambo ang kahimsog sa panglawas ug panginabuhian sa mga pamilya nga nagkalisod ug nakasinati sa malnutrisyon.

Gipaningkamutan ni Provincial Governor Jose Ma. R. Zubiri, Jr. nga matabangan ang panginabuhian sa mga pinakakabus sa probinsya ug masiguro ang ilang kahimsog sa panglawas pinaagi sa pagpahigayon ug mga programa nga sama niini, luyo sa kalisod sa panahon karon nga dala sa pandemya nga COVID-19.

###