Press Release No. 206

October 6, 2021

GIDAYEG ni Provincial Governor Jose Ma. R. Zubiri, Jr. ang gipahigayon nga 2-Day Community-Based Anti-Illegal Drugs Advocacy (CBAIDA) Trainer’s Training (2nd Batch) sa Kaamulan Open Theater, Kaamulan Park, Malaybalay City, Bukidnon nga gisugdan niadtong October 5 hangtud 6, 2021.

Gipasalamatan ni Governor Zubiri ang maong kalihukan sa Philippine Drug Enforcement Agency (PDEA)-Bukidnon Provincial Office, nga gipangunahan ni IA III ALEX B SUBANG JR, Provincial Officer, diin gihatagan niini ug dakong bili ang pakigbatok sa iligal nga druga dinhi sa probinsya alang sa maayong kaugmaon sa katawhan, ilabina sa kabataan.

Sumala sa data gikan sa Provincial Budget Office, matag tuig nakatagana ang ₱5-million alang sa suporta sa kagamhanang probinsyal sa mga programa ug kalihukan sa PDEA-Bukidnon.

Gipasabot sa maong training kung unsa ang katuyuan sa maong kalihukan, lakip na ang paghisgut sa sustainability program sa Barangay Drug Clearing Operation u gang mahinungdanong papel sa Local Government Units, mga lihok o aksyon sa kagamhanan sa problema sa iligal druga sa nasud, pinaagi sa  Anti-Drug Campaign Strategy sa PDEA, ug daghan pang uban.

Ang CBAIDA nagtumong nga makamugna ug mga tigpasiugda sa droga nga mahimong force multiplier sa PDEA sa natad sa adbokasiya aron mapadayon o mamintina ang status isip mga drug cleared barangays.

Kini gipartisipahan sa Barangay Anti-Drug Abuse Council Representatives, SK Chair, Barangay Officials ug representative sa DepEd sa drug-cleared barangays sa lungsod sa Damulog, Kadingilan, Malitbog, ug Pangantucan.

###