Press Release No. 205

October 6, 2021

SUBLING gipahinumduman sa Provincial Government of Bukidnon, pinaagi sa Provincial Treasurer Office ang nagkaduol nga pagpatuman sa Provincial Ordinance No. 2021-047R(26th SP) nga giulohan ug “AN ORDINANCE EXTENDING THE PERIOD FROM OCTOBER 14, 2020 TO OCTOBER 14, 2021 OF THE BUY BACK SCHEME FOR THE REAL PROPERTY OWNERS WHOSE PROPERTIES WHOSE PROPERTIES WERE FORFEITED BY THE PROVINCIAL GOVERNMENT OF BUKIDNON, AND FOR OTHER PURPOSES”, pinitsahan Pebrero 9, 2021.

Nasayran nga naona nga nagpadangat ug sulat-hangyo si Provincial Governor Jose Ma. R. Zubiri, Jr., pinitsahan Pebrero 1, 2021 ngadto sa Sangguniang Panlalawigan nga mahatagan ug lugway sa usa ka tuig ang mga nanag-iya sa real properties, kansang hangyo sa gobernador nagsumikad human nga magpadangat sa ilang kabalaka ang mga mag-uuma nga wala makapahimulos sa naona nga buy back scheme nga natagana ubos sa Ordinance No. 2020-027R(26th SP) gumikan kay apektado sa pandemya nga hatud sa COVID-19 nga nakaapekto dili lamang sa kahimsog sa panglawas kundili lakip na usab ang kahimtang sa ekonomiya ug panginabuhian sa mga mag-uuma.

Ang mga kwalipikado nga magbubuhis, kadtong mga nanag-iya sa mga real properties diin ang mga pangalan makita sa tax declaration, kinahanglan nga magbayad sa cash sa mga gasto sa pagbaligya sa subasta, lakip ang mga na-delinkwenti nga bayronon ug sa pag-update sa real property tax.

Nakatakda usab sa maong Ordinansa nga kung mapakyas sa pagpahimulos niini nga kahigayonan sulod sa gihatag nga panahon, i-proseso sa PTO ang registration sa na-imbargo nga propriedad pabor sa kagamhanang probinsyal.

Ang kagamhanang probinsyal sa Bukidnon gimandoan sa Local Government Code nga gamiton ang gahum sa pagbuhis aron mapadayonon kini sa maghatud sa serbisyo alang sa kinatibuk-ang kaayohan sa katawhan.

###