Press Release No. 146

November 5, 2021

NATABANG sa Provincial Government of Bukidnon (PGB) ngadto sa lungsod sa Quezon ang katukoran sa mga inprastraktura alang sa moderno ug lig-ong sistema sa pangagamhanan nga nahatagan sa katumanan gikan sa tuig 2001 hangtud ning kasamtangang tuig 2021, sulod sa administrasyon ni Governor Jose Ma. R. Zubiri, Jr. Sa lungsod sa Quezon, kinatibuk-ang ₱482,337,057.13 ang natunol nga kantidad sa PGB nga gilangkuban sa mosunod nga mga proyekto: 1. Infrastructure Projects nga gipatuman sa PGB pinaagi sa Provincial Engineer’s Office – kinatibuk-ang ₱265,293,058.12 nga pondo ang na-alokar alang sa roads & bridges projects diin anaa sa 44.235 kilometers ang bahin sa provincial road sections dinhi sa Quezon ang matag tuig nga gina-pagrabahan sa probinsya, laing 27.816 kilometers ang napasemento, samtang 5 ka yunit sa box culverts and natukod, 160 ka linya sa pipe culverts ang nabutang, 2 ka tulay ang napa-ayo, 249 kilometers sa barangay roads niini sa 31 ka mga barangay sa Quezon ang na-mentina sa pangagamhanang probinsyal; samtang ₱22,059,354.00 ang nagahing pondo alang sa school building projects kung aha 13 units or 20 classrooms ang natukod, ug laing 54 ka mga classrooms ang napaayo; ₱2,395,729.34 usab ang nagahing pondo alang sa tulo (3) ka infrastructure building projects nga napabarug, ₱326,000.00 nga pondo alang sa usa (1) ka other infrastructure/facility project, ₱5,288,285.20 usab ang nagasto alang sa tulo (3) ka water systems nga namontar. 2. Financial Assistance to Local Government Unit – kinatibuk-ang ₱56,000,000.00 ang natunol sa Pangagamhanang Probinsyal alang sa katukoran sa municipal building, ug bag-o lang usab gitunol ang lain pang ₱25,000,000.00 alang sa nakalinya nga 2021 priority infrastructure projects sa lungsod sa Quezon; 3. Financial Assistance to Barangay Local Government Units pinaagi sa hugot nga pagsusi sa Provincial Project Monitoring and Inspectorate Team – lain pang ₱161,043,999.01 ang nagahin sa pangagamhanang probinsyal alang sa nagkalain-laing proyekto sa 31 ka mga barangay sa Quezon, sama niining mosunod: katukoran sa mga Barangay Hall, barangay office with session halls, Day Care Centers, Health Centers, opisina sa SK, CVO, BSPO, Senior Citizen, multi-purpose buildings, tribal hall, tribal health center sa Purok 7 Barangay Butong, purok centers, Tulugan sa Barangay Santa Filomena, solar driers, pag-ayo sa barangay roads, pagpa-ayo ug katukoran sa water system projects, electrification (Sitio Manay, Cawayan; Zubiri Village Purok 4; Purok 8 sa C-Handumanan; Purok 1-5 sa Mahayag), pagpalit ug yuta alang sa barangay sites (Zubiri Village, C-Handumanan, Purok 8 Cebole, Purok 4 Delapa, Purok Dumalama, Mahayag, San Roque), ug katukoran sa barangay satellite mini market sa barangay Poblacion, lakip na dinhi ang tag-₱1-million alang sa priority infrastructure projects sa mga barangay alang ning tuig 2021.Sa mga mejoras nga natunol ni Governor Zubiri alang sa lungsod sa Quezon, gipasalamatan kini ug dako sa katawhan gumikan sa makanunayon nga pag-agak sa pangagamhanang probinsyal sa mga panginahanglang pasilidad sa maong lungsod, ubos sa pagpangamahan ni Municipal Mayor Pablo M. Lorenzo, III.

###