Press Release No. 231 / December 7, 2021

KINATIBUK-ANG 308,410 ang Real Property Units (RPU) sa Probinsya sa Bukidnon, kung aha kanunay nga gina-update sa Provincial Assessor’s Office (PAssO) alang sa Real Property Valuation, subay sa mandatu sa Akta Republika 7160 ngadto sa tanang Local Government Units.

Sa Real Property Valuation Database gikan ni Provincial Assessor Roger G. Guillermo, EnP, REB, REA, as of 3rd Quarter ning kasamtangang tuig 2021 nga ang maong ihap sa RPU adunay total land area nga 10,062,706,775.53 square meters; total market value nga 163,715,048,009.28 diin 29,624,990,915.48 ang total assessed value without restrictions niini. Sa maong data, mikabat sa 227,979,359.79 ang tax rate alang sa Basic 1% ug SEF 1%.

Gikan sa gidaghanon sa RPU, 271,067 niini ang gikunsidera nga taxable samtang 37,343 usab ang tax exemption. Ang tax exemption naglakip sa government real properties; religious, charitable and education institutions; local water utilities machinery and equipment; cooperatives; ug pollution and environment protection, pinasikad sa Section 234 sa Local Government Code of the Philippines.

Alang sa epekto sa buhis sa yuta, mga gambalay, makinarya ug uban pang improvements, adunay nahitabong pag-usbaw sa bulohisan nonot sa gilusad nga General Revision sa Schedule of Market Values of Real Properties sa probinsya, alayon sa kamanduan nga nakatakda sa R.A. 7160.

Nasayran base sa gisumite nga 2020 Accomplishment Report, miabot sa 4,715 ang naaprobahan nga tax declarations diin 1,904 niini ang bag-o, 1,568 ang gi-usab (revised), ug 1,243 ang transferred; 4,402 usab ang napagula nga Real Property Certifications; 4,191 Certified True Copy sa Tax Declarations; ug 328 ang Annotation/Release of Encumbrance.

Mahinumduman nga ang general revision sa RPT mahitabo matag tulo ka tuig, diin ang ulahing general revision sa Bukidnon naaproubahan niadtong 2018 ug napatuman sa tuig 2019. Kini subay sa mga lagda sa balaod sa Local Government Code, Philippine Valuation Standard ug Mass Appraisal Guidebook nga gipagula sa Department of Finance, Manual of Real Property Appraisal and Assessment Operations sa Department of Finance Local Assessment Regulations, ug uban pang mga kasamtangang lagda, regulasyon ug panudlo nga nagdumala sa mga pagtimbang-timbang sa real properties.

###