Press Release No. 5 / January 21, 2022

SUPORTADO sa Provincial Government of Bukidnon, ubos sa liderato ni Provincial Governor Jose Ma. R. Zubiri, Jr. ang adbokasiya sa Department of Education (DepEd) nga matukoran sa mga school buildings ug classrooms ang mga lagyong barangay sa mga pampublikong tunghaan sa elementarya ug sekondarya sulod sa Probinsya sa Bukidnon. Kinatibuk-ang 642 ka mga classrooms na ang napabarug sa atong amahan sa lalawigan gikan sa tuig 2001 ngadto sa tuig 2013 ug sa tuig 2013 hangtud sa tuig 2021.

Kini subay sa Pillars of Good Governance ni Governor Zubiri alang sa Edukasyon nga nagtumong nga mahatagan sa mas maayo ug hamugaway nga pasilidad sa edukasyon ang mga estudyante, ingon man sa pagpauswag sa kalidad sa edukasyon sa lagyong mga barangay, nga nahaum usab sa paningkamot sa DepEd nga makab-ot ang usa ka tunghaan nga child-friendly, luwas ug maayong lugar sa pagkat-on.

Sa maong gidaghanon, ang mosunod mao ang ihap sa mga classrooms nga namontar sa nagkalain-lain nga local government units sa Bukidnon: Baungon – adunay natukod nga 10 ka classrooms; Cabanglasan – 39 classrooms; Damulog – 16 classrooms; Dangcagan – 15 classrooms; Don Carlos – 31 classrooms; Impasugong – 29 classrooms; Kadingilan – 33 classrooms; Kalilangan – 11 classrooms; Kibawe – 13 classrooms; Kitaotao – 33 classrooms; Lantapan – 20 classrooms; Libona – 9 classrooms; Malaybalay City – 88 classrooms; Malitbog – 14 classrooms; Manolo Fortich – 37 classrooms; Maramag – 63 classrooms; Pangantucan – 15 classrooms; Quezon – 23 classrooms; San Fernando – 33 classrooms; Sumilao – 16 classrooms; Talakag – 27 classrooms; ug Valencia City – 67 classrooms.

Kini gipondohan sa Provincial Government of Bukidnon, pinaagi sa Provincial School Board Fund nga adunay kinatibuk-ang kantidad nga ₱435,120,000.00. Kanunay ug mapadayonon ang koordinasyon sa DepEd ug sa Bukidnon Provincial School Board Committee aron nga mahiusa ang pagtubag sa panginahanglanon sa classrooms sa matag lungsod ug sa kabaranggayan niini.

Gibutyag ni Engr. Albert D. Yulo, ang provincial engineer nga alang ning kasamtangang tuig 2022, adunay gitagana na usab nga dul-an ₱80-milyones ka pesos si Governor Zubiri alang sa construction sa 50 classrooms, repair sa 68 classrooms, ug ang procurement sa gadgets ug uban pang panginahanglan sa DepEd.

Gituhuan ni Governor Zubiri nga ang kabataan mao ang usa sa labing importante nga mga kabtangan sa nasud, busa naka-angkla na gayud ang mga programa nga maglantaw sa promosyon ug pagpalambo sa kinabuhi ug kaayohan sa mga bata alang usab sa pagpauswag sa ilang moral ug suporta nga ginahatag sa mga mga ginikanan ug sa mga magtutudlo diha sa mga tunghaan.

###