Press Release No. 6 / January 24, 2022

MIDUYOG ang Provincial Government of Bukidnon (PGB), pinaagi sa Persons with Disability Affairs Division (PGO-PDAD), sa ika-26 nga kasaulogan sa 26th National Autism Consciousness Week sugod karong adlawa, Enero 24 hangtud 31 ning tuig 2022.

Kaganihang buntag, miduyog usab PGO-PDAD sa nakahan-ay nga mga online activities sa nasyonal sama sa online flag ceremony isip pormal nga pagbukas sa usa ka semana nga kasaulogan og launching sa hidden disabilities sunflower nga mao ang simbolo sa non-visible disabilities o kapansanan nga dili direktang makita sa usa sa tawo sama sa autism, amang, bungol, adunay mental health conditions ug uban pa.

Gilauman nga mosalmot na usab ang ilang buhatan kauban sa Local Social Welfare & Development Office sa mga lungsod ug syudad sa probinsya sa nakaandam nga kalihukan sama sa Autism Interventions, Autism Sensitivity Training for First Responders, Autism-OK Employment in ASEAN, ASEAN Enabling Masterplan, AOK Tiktok Fest ug Buhay Autismo ngayong Pandemya, diin makita ug madungog kini pinaagi sa Facebook Live ug Zoom.

Sa mensahe ni Mr. Dominador D. Libayao, ang hepe sa PGO-PDAD, usa ka responsibilidad sa komunidad ug banay sa panimalay ang pagdawat, pag-accommodate ug pagdayig sa tawong adunay autism, diin gilantaw niya nga pinaagi niini, makamugna kita ug maayong relasyon sa atong isig-katawo, adunay self-acceptance ug mapadayon ang inclusive development o kinatibuk-ang kalambuan sa tanang matang sa pagkinabuhi.

Ang tinuig nga kasaulogan sa National Autism Consciousness Week, pinasikad sa Proclamation No. 711 ni Presidet Fidel V. Ramos, pinetsahan Enero 4, 1996, aron sa paghatag ug higayon sa atong mga kaigsuonang adunay autism nga maila, ingon man ang paghatag kanila sa atensyon ug patas nga pagtagad ug suporta nga ilang gikinahanglan diha sa komunidad.

###