Press Release No. 17 / February 14, 2022

GISUGDAN na sa Probinsya sa Bukidnon, pinaagi sa Bukidnon Provincial Medical Center (BPMC) ang pagbakuna sa kabataan nga nag-edad 5-11 anyos, kaganihang buntag-Pebrero 14, 2022 ug kini molungtad sa Pebrero 16, 2022. Kini human nga lakip ang BPMC sa giila nga Pilot Hospital Rollout alang sa Resbakuna Kids COVID-19 Pediatric Vaccination sa Rehiyon 10.

Tinguha sa maong Resbakuna Kids nga mahatagan ang kabataan sa proteksyon nga ilang gikinahanglan batok sa COVID-19. Dungan sa pagsiguro sa kahimsog ug kaluwasan sa mga bata, naghatag usab kini ug kahigayunan nga mahimo silang protektado sa panahon nga subling buksan ang mga tunghaan, pinaagi sa face-to-face classes.

Sa data gikan sa Provincial Health Office nga gipangunahan ni Dr. Gary Guido C. Tabios, Jr., anaa sa 751 vials sa Tozinameran COVID-19 mRNA vaccine (nucleoside-modified) [Cominarty] Pfizer COVID-19 vaccine ang na-alokar alang sa Bukidnon, kung aha gibana-bana nga anaa sa 7,150 ka mga kabataan ang mahatagan niini alang sa ilang first dose ug mobalik human sa 21 ka adlaw alang sa ilang 2nd dose.

Sa data gikan sa Provincial Health Office nga gipangunahan ni Dr. Gary Guido C. Tabios, Jr., anaa sa 751 vials sa Tozinameran COVID-19 mRNA vaccine (nucleoside-modified) [Cominarty] Pfizer COVID-19 vaccine ang na-alokar alang sa Bukidnon, kung aha gibana-bana nga anaa sa 7,150 ka mga kabataan ang mahatagan niini alang sa ilang first dose ug mobalik human sa 21 ka adlaw alang sa ilang 2nd dose.

Kanunay gi-aghat ni Provincial Governor Jose Ma. R. Zubiri, Jr. ang matag usa nga magpakabana sa pagpabakuna aron maprotektahan nato ang atong kaugalingon, ingon man ang atong matag pamilya batok sa COVID-19.

Mitambong sa Launching sa Resbakuna Kids sila Dr. David Mendoza, ang Chief Local Support Division sa DOH-10, acting provincial administrator / provincial legal officer Atty. Paul Vincent G. Villegas, Dr. Vincent Raguro, DMO V sa DOH-Bukidnon, uban sa pwersa sa BPMC nga gipangunahan ni chief of hospital Dr. Miguel Antonio C. Prantilla.

###