Press Release No. 24 / February 16, 2022

GIPAHINUMDUMAN sa Provincial Government of Bukidnon (PGB), pinaagi sa Provincial Health Office (PHO) ang tanang Local Government Units (LGUs) sa probinsya nga mas pahugtan pa ang ilang kampanya batok sa sakit nga dengue, gumikan sa nagkataas nga kaso niini sa milabay nga lima ka semana, basi sa data gikan sa Provincial Health Office nga gipangunahan ni Dr. Gary Guido C. Tabios, Jr., pinetsahan Pebrero 16, 2022.

Sa data nga gihatag ni Gabriel Jay Pagote sa PHO, nakatala sa katibuk-ang 179 ka mga kaso ang lalawigan. Sa maong ihap, nag-una ang Valencia City nga adunay 45, Manolo Fortich – 24, Malaybalay ug Maramag – 16, Malitbog – 12, samtang tag-duha sa Baungon, Damulog ug San Fernando, unom ka mga kaso sa Dangcagan, Impasug-ong, Kibawe, Lantapan, ug Libona, Don Carlos – 7, Kadingilan ug Kalilangan – 4, Kitaotao ug Pangantucan – 3, Quezon – 7, Sumilao ug Talakag – 1.

Sa lungsod sa Quezon Bukidnon, regular ang pagpahigayon sa ilang “pito-pito” activity matag Biyernes aron masumpo ang sakit nga dengue pinaagi sa pagtinabanga sa mga Baranggay Sanitation Inspectors ug BHWs nga gipangunhan sa ilang Municipal Health Office.

Gipahinumduman sa PHO ang publiko sa paglusad sa “4S” o Self Protection, Seek Early Treatment, Support pinaagi sa defogging alang sa mga lugar nga high risk ug ang Search and Destroy aron mapugngan ang pagtaas sa kaso sa dengue.

###