Press Release No. 26 / February 18, 2022

NAKIGHIUSA ang Provincial Government of Bukidnon, pinaagi sa Provincial Health Office (PHO) ug sa 22 ka mga local government units sa probinsya, sa tibuok nasud nga Resbakuna Kids Pediatric Vaccination alang sa kabataan nga 5-11 anyos nga gisugdan niadtong Pebrero 17 hangtud karong adlawa-Pebrero 18, 2022.

Ang tibuok probinsya nakakuha ug 751 vials sa Pfizer (Comirnaty) vaccine gikan sa Department of Health alang sa maong katuyuan ug kini nabahin sa musonod: CHO-Malaybalay nga adunay 113 vials lakip dinhi ang para sa BMPC; CHO-Valencia-97; Manolo Fortich-100; Maramag ug Don Carlos-50; Talakag-80; tag 20 para sa Baungon, Malitbog, Libona ug sa Centennial Stage; Kitaotao, San Fernando ug Dangcagan – 22 vials; Kibawe – 15 vials alang sa usa aka adlaw. Ang usa (1) ka vial mahimong makabakuna sa 10 ka mga bata.

Gipahinumduman ang mga ginikanan o guardians nga magdala sa birth certificate sa mga bata nga magpabakuna. Sa mga bata nga adunay commodities kinahanglan magdala sa medical certificate o clearance gikan sa ilang mga pediatrician. Sa kaso sa mga bata nga wala nay ginikanan nanginahanglan usab ug barangay certificate nga magpamatuod sa relasyon sa guardian, ug alang sa mga bata nga ang biological parents’ atua sa layo nagtrabaho, nanginanhanglan ug pirmadong authorization letter kauban sa ilang valid ID.

Gipahimangno usab ni Dr. Jeofrrey S. Mambucon, medical officer sa PHO kinsa in charge sa post-vaccination nga dili na kinahanglan mag-inum sa paracetamol kung dili muabot ug 38 Fahrenheit ang temperature sa lawas sa bata. Kung ubos kini sa 38 Fahrenheit, normal lang kini sa mga natupokan sa bakuna. Gidasig ang pag-increase sa fluid intake sa mga bata, ipapahulay ug likayan ang pagsigi ug selpon.

Gipasabot ni Dr. Gary Guido C. Tabios Jr., ang provincial health officer, giuna sa pagbakuna ang mga bata nga adunay mga balati-an o commodities sa BMPC niadtong Pebrero 14-16, 2022, diin kinatibuk-ang 689 ka mga kabataan ang nabakunahan. Kini gipadayon pinaagi sa nationwide Resbakuna Kids sa 5-11 years old age group.

###