Press Release No. 28 / February 21, 2022

GIPABORAN sa Regional Trial Court (RTC) 10th Judicial Region Branch 8 ang Special Civil Action No. 686-20 alang sa Declaratory Relief and Certiorari with Application for the Writ of Preliminary Injunction and Twenty (20) – Day Temporary Restraining Order nga gipasaka sa Pilipino Banana Growers and Exporters Association, Inc. (PBGEA) isip nga mga petitioners batok sa Sangguniang Panlalawigan sa Bukidnon nga gi-representahan ni Vice Governor Rogelio N. Quiňo, Provincial Governor Jose Ma. R. Zubiri, Jr., Ms. Jacqueline Julia Lagamon sa Provincial Agriculture’s Office ug ni provincial legal officer Atty Paul Vincent G. Villegas, isip mga respondents.

Kini adunay kalabutan sa pagpatuman sa Agricultural Land Rental Law 2020 sa Probinsya sa Bukidnon nga nagresulta sa pag-amenda sa kasamtangan nga kontrata sa pag-arkila sa yutang pang-agrikultura nga gi-petisyunan usab sa PBGEA. Ang PBGEA gilangkuban sa nagkalain-laing multinational companies nga nag-operate sa lalawigan nga gilangkuban sa Agrinanas Development Co., Inc. (ADCI), Dole Philippines (DOLE), Lapanday Diversified Products Corporation (LPDC), Mindanao Agritraders, Inc. (MAI), Mt. Kitanglad Agri-Ventures, Inc. (MKAVI), Sumifru (Philippines) Corporation (SPC), ug Sumifru Agricultural Development, Inc. (SADI).

Base sa maong desisyon, pinaagi ni Assisting Judge Mirabeaus A. Undalok, pinitsahan Disyembre 17, 2021, sa hingpit nga pagpatuman sa maong Ordinansa, ang base rental alang sa tanang yutang pang-agrikultura nga gitamnan sa saging ug pinya kinahanglan nga labing menos baynte singko mil pesos kada ektarya kada tuig. Ang tanang kasamtangang kontrata nga adunay base rental nga ubos sa 25 mil ka pesos paga-isipon nga gi-amendahan sa pagka-epektibo niining nasangpit nga balaod nga labing gamay sa baynte singko mil pesos kada ektarya kada tuig aron masakop ang nahabilin nga gidugayon sa kontrata.

Tungod niini nga desisyon sa RTC Branch 8, gibasura ang gipangayo nga pagpagula sa Writ of Preliminary Injunction sa PBGEA, nga nagpasabot nga maki-angayon ug angayan lang ang pagpalabang sa maong balaod sa Bukidnon alang sa kaarangan sa pamuyo sa mga nanag-iya ug yuta nga gi-abangan sa multinational companies.

Mahinumduman nga sukad pa sa tuig 2014, midangop na sa Isumbong Mo Kang Governor radio program ni Governor Jose Ma. R. Zubiri, Jr. ang mga landowners dala ang hangyo nga matabangan sila sa ilang problema nga ubos nga abangan sa yuta matag tuig.

###