Press Release No. 30 / February 22, 2022

GIPAGULA ni Provincial Governor Jose Ma. R. Zubiri, Jr. ang mga direktiba ubos sa implementasyon sa Alert Level II sa tibuok probinsya, pinaagi sa Executive Order (EO) No. 03 series of 2022, pinetsahan Pebrero 16, 2022.

Nakalatid sa maong EO nga nag edad 18 anyos paubos, 65 years old pataas, adunay comorbidity ug mga mabdos gitugotan nga mogawas sa ilang panimalay kung adunay importanteng lakaw sama sa pagpalit ug essential goods, mosulod sa ilang trabahoan o ba kaha magpahigayon ug individual outdoor exercises.

Gitugotan usab ang mga essential public gatherings nga magbukas diin maximum of 50% sa venue capacity alang sa indoor activity samtang 70% sa venue capacity usab ang gitugot alang outdoor activity, apan gisiguro nga ang tanang trabahante o empleyado sa maong establisyemento mga fully-vaccinated ug kanunay ipatuman ang minimum public health standards.

Ang mga fitness studio, gyms, recreational venues, tourist attractions, amusement parks, personal care establishments, cockpits and traditional cockfighting (subay sa istriktong pagsunod sa IATF Resolution No. 154 s. 2021), Hotels and other accommodation establishments ug uban pang kalihukan og establisyemento gitugutan nga magbukas diin maximum of 50% sa venue capacity lamang alang sa indoor activity ug 70% sa venue capacity alang outdoor activity. Kinahanglan nga fully vaccinated lamang ang tugutan nga mopahimulos niini ug fully vaccinated usab ang tanang trabahante o empleyado sa maong establisyemento.

Ang si kinsa mang inbound travelers ug returning residents nga dili pa bakunado kinahanglan magpakita sa ilang negative RT-PCR test result (taken within 72 hours from the time of presentation) ug Government ID with photo, samtang ang mga fully vaccinated magpakita lamang sa ilang vaccination card ug Government ID with photo. Ang mga minor de edad dili na magpakita sa RT-PCR result kung giubanan sa ilang ginikanan/guardian nga fully vaccinated. Alang usab niadtong mobyahe tungod sa medical emergency, magpakita lamang sa ilang hospital appointment isip pagpamatuod.

Ang tibuok probinsya sa Bukidnon gipailalom ubos sa Alert Level II sugod Pebrero 16 hangtud Pebrero 28, 2022 subay sa Inter-Agecy Task Force (IATF) Resoultion No. 161-A s. 2022.

###