Press Release No. 35 / February 28, 2022

GIPAHIGAYON sa Provincial Government of Bukidnon (PGB), pinaagi sa PGO-Persons with Disability Affairs Division (PDAD) ang Orientation on National Council on Disability Affairs (NCDA), niadtong Pebrero 23, 2022 pinaagi sa virtual meeting via google meet.

Tumong sa maong kalihukan ang paghisgut sa Administrative Order No. 001-2021 kabahin sa issuance sa Persons with Disabilities (PWD) ID Card kalabut sa RA 9442, 10754, 11215, ug 10747.

Gipasabot ni Mr. Dominador D. Libayao, ang Disability Affairs Officer IV / Division Chief sa Persons with Disability (PDAD) nga kinahanglan masabtan ug mahan-ay ang mga kinahanglanong dokumento alang sa gitakdang mga incentives gikan sa nanganlang mga balaod, mas mapasayon nga monitoring sa mga miyembro sa PWDs, ug labaw sa tanan maprotektahan ang personal data sa mga benepisyaryo, agig pagsunod sa RA 10173 o ang Data Privacy Act of 2012.

Nahimong mga partisipante niini ang Local Social Welfare and Development Officers ug PWD Officers/focal persons gikan sa 2 ka syudad ug 15 ka mga lungsod, kung aha nahisgutan ang paglakip sa cancer and rare disease isip disabilities sa tawo; pagproseso sa PWD ID card ug asa kini pwede kuhaon; validation sa PWD ID; asa ug kinsa ang mag issue sa certificate of disability; application PWD ID card approval ug mga lehitimong mupirma sa ID.

###