Press Release No. 36 / February 28, 2022

NAHIMONG kaabag ang Provincial Government of Bukidnon (PGB), pinaagi sa Provincial Governor’s Office – Population and Development Division (PGO-POPDEV) sa local nga kagamhanan sa Cabanglasan alang sa You-for-You (U4U) Facilitators Training and Roll out, niadtong Pebrero 21-22, 2022 nga gitambungan sa kabatan-onan nag-edad 10-17 anyos.

Partikular nga gipasabot sa PGO-POPDEV isip trainer sa kabatan-onan ang U4U teen Training Initiative, usa ka communication campaign aron malikayan ang sayo nga paglambigit sa sexual nga pakighilawas uban sa tinguha nga madugangan ang kahibalo sa delay sexual debut ug malikayan ang STI. Dinhi sa Bukidnon, naona na nga napaubos sa susamang traning ang U4U sa lungsod sa Sumilao, San Fernando ug Dangcagan niadtong Disyembre 2021 ug gilauman nga sulod ning tuig, mapahigayon usab kini sa uban pang LGUs sa higayon nga matagan-an na kini ug pondo.

Base sa data gikan sa Local Service Registrar sa LGU-Cabanglasan sa tuig 2017 hangtud 2021, adunay 19 ka kaso sa early pregnancy sa tuig 2017; sa tuig 2018, 0 o walay kaso; sa tuig 2019 – 2; sa tuig 2020 – 2; ug 3 ka kaso sa tuig 2021 sa edad nga 10-14 years old. Samtang sa edad 15-19 years old sa susamang panahon, adunay 85 ka kaso sa tuig 2017; 144 sa tuig 2018; 133 sa tuig 2019; 175 sa tuig 2020; ug 88 sa tuig 2021.

a data sa POPCOM-X alang sa kasamtangang status sa rehiyon sa number of live births sa tuig 2019, ang Bukidnon ang nag-una sa pinakataas nga kaso sa Teenage Pregnancy (10-19 years old), diin natala ang 4,988, nagsunod ang Misamis Occidental nga adunay 2,299; Cagayan de Oro City – 1,745; Misamis Oriental – 1,333; Lanao del Norte – 1,243; Iligan City – 667; ug Camiguin – 160.

Nasayran nga adunay pagtaas sa 21.5% sa Philippine Population ang adolescent compromise o halos 20 million sa 92 million nga mga Pilipino ang batan-on nga anaa sa 10-19 anyos nga naglisud sa kinabuhi hinungdan nga nasugamak ang mga kabatan-onan sa peligrong binuhatan, sama sa early sexual activity ug early pregnancy.

###