Press Release No. 38 / March 2, 2022

NAGMABUNGAHON ang panagtagbo sa Provincial Development Council (PDC) Executive Committee sa Provincial Government of Bukidnon (PGB) nga gipangunahan ni Provincial Governor ug PDC Chairperson Jose Ma. R. Zubiri, Jr. sa PPDO Conference Room, Capitol Compound, Malaybalay City, Bukidnon kaganihang buntag-Marso 2, 2022.

Gi-presenta nila Provincial Budget Officer Fe Retuertas ug provincial planning and development coordinator Engr, Jesrel B. Mangubat ang unod sa Proposed Supplemental Budget No. 1 alang sa mga nakalinya nga Programs/Projects/Activities (PPAs) sa Annual Investment Plan (AIP) sa FY 2022 sa kagamhanang probinsyal, kung aha na-aprubahan usab sa Local Finance Committee (LCF) ang ₱260,373,928.57 gikan sa General Fund.

Nakalatid sa AIP ang pipila sa mga nag-unang PPAs ning tuig, ang livelihood projects, infrastructure projects – construction/rehabilitation of buildings and land improvements, pag-ayo sa barangay roads, pagtukod sa water supply systems, school buildings, housing projects, installation of solar lights sa kabaranggayan ug uban pa.

Gilauman nga i-indorso usab kini sa LCF ngadto sa Sangguniang Panlalawigan alang sa review ug pag-apruba sa nasangpit nga proposed supplemental budget sa dugang nga nagkadaiyang proyekto sa kagamhanang probinsyal.

Mahinumduman nga ang Annual Budget sa tuig 2022 mikabat ngadto sa ₱5,232,580,849.00 nga nagtimaan sa pinakataas nga budget sa Provincial Government of Bukidnon tungod sa mga sakripisyo sa mga provincial officials, mga mayores sa kalungsuran ug syudad, mga hepe sa departamento ug mga empleyado ug ang katawhan sa Bukidnon sa kinatibuk-an. Tungod niini, gidayeg sa gobernador ang tanan ug nanghinaut nga ipadayon ang nasugdan nga mga programa, proyekto ug mga kalihukan alang sa malahutayon ug malangkubon nga pagserbisyo sa katawhan sa lalawigan.

Ang Annual Investment Program (AIP) alang sa tuig 2022 naka-angkla sa Bukidnon Provincial Development and Physical Framework Plan (PDPFP) alang sa tuig 2020-2025 nga gigiyahan sa malungtarong panglantaw sa probinsya nga nahi-uyon sa nasudnong direksyon.

###