Press Release No. 42 / March 03, 2022

GI-AWHAG sa buhatan sa Provincial Veterinary Office (PVet) ang tanang mga pet owners nga mopahimulos sa libreng rabies vaccination ang ilang binuhi nga iring ug iro, alayon sa kasaulogan sa Rabies Awareness Month karong bulan sa Marso tuig 2022 nga nagtangag sa temang “Rabies-free na pusa’t aso, kaligtasan ng pamilyang Pilipino”.

Tinguha sa PVet nga matabangan ang mga pet owners nga mamahimong responsabli sa ilang pagpamuhi ug hayop ug maprotektahan ang ilang binuhi ng airing ug iro ugaling mapaakan sa mga peligrong hayop nga carrier sa rabies.

Basi sa data gikan sa PVet, as of March 3, 2022 aduna nay 2,171 ka mga iring ug iro ang gipailalom sa rabies vaccination sa tibuok probinsya, samtang kinatibuk-ang 81,556 ka mga iring ug iro usab ang ilang nabakunahan sa milabay nga tuig 2021.

Usa ka pet photo contest usab ang gipasiugda sa PVet nga pagasalmotan sa pinili nga representanti matag lungsod ug syudad ug pagadumalahon sa ilang City/Municipal Veterinary Office ug City/Municipal Agriculture Office, diin ang mga mechanics niini napaabot na ngadto kanila.

Pinasikad sa Executive Order No. 84 s. 1999 ni kanhi Presidenti Joseph Estrada, ang bulan sa Marso gideklara isip rabies awareness month aron mahatagan ug taas nga higayon ang mga ahensya sa gobyerno sama sa Department of Agriculture-Bureau of Animal Industry (DA-BAI) ug Department of Health-Communicable Disease Control Service (DOH-CDCS) nga ipatuman ang ilang mga lakang sa pagkontrol ug pagwagtang sa kaso sa rabies sa tibuok nasud, ilabi na sa ilang kampanya nga mamahimong rabies-free Philippines sa tuig 2030.

Ang si kinsa mang interesado nga mopahimulos niini nga programa sa gobyerno, mamahimong moduol sa ilang municipal/city veterinary office o city/municipal agriculture office sa adlaw’ng lunes hangtud biyernes o ba kaha tawag sa PVet Office sa numero 0917-146-9223 alang sa dugang kasayuran o bisita mismo sa ilang buhatan nga nahimutang sa Capitol Compound, Malaybalay City, Bukidnon.

###