Press Release No. 47 / March 8, 2022

(PHO) ug sa nagkalain-laing lokal nga kagamhanan niini sa Pediatric Vaccination alang sa edad 5-11 years old karong adlawa-Marso 8 hangtud 9, 2022.

Kini agig pasiuna nga kalihukan sa pakig-alayon sa Kagamhanang Probinsyal ngadto sa nasudnong kagamhanan nga paglusad sa ika-upat nga hugna sa National Vaccination Days (NVD) sugod Marso 10-12, 2022. Kini gumikan kay aron malikayan nga masagol ang 5-11 years old nga pagbakuna sanglit lahi man usab ang formulation sa vaccine alang kanila.

Sa data gikan sa PHO alang sa Pediatric Vaccination Herd Immunity Coverage, anaa sa 8,825 o 3.9% sa maong age group ang nabakunahan sa first dose gikan sa target population nga 222,324 niadtong Pebrero 14-18, 2022.

Nasayran nga bukas lamang alang sa first dose ang gitakda nga vaccination sa 5-11 years old.

Samtang ang NVD Round 4 sa March 10-12, bukas kini alang sa 12-17 age group ug 18 anyos pataas alang sa ilang 1st dose, pwede usab sa mag-2nd dose ug booster shot.

Magdala lamang sa valid ID, vaccination cards, ug health certificate alang niadtong adunay comorbidity.

Sa Centennial Stage, bukas kini alang sa maong schedule gikan sa alas 8 sa buntag hangtud alas 3:30 sa hapon. Hugot ang pahimangno sa PHO nga ipadayon ang pagsunod sa minimum health protocols batok sa COVID-19.

###