Press Release No. 48 / March 8, 2022

HINGPIT nang gibuksan sa publiko ang Balay Paglaum, A Juvenile Intervention Building, usa ka proyekto sa Provincial Government of Bukidnon kung aha sobra 41.2 milyones ka pesos ang gitagana nga pondo gikan sa CY 2019-2021 ug CY 2022. Gipangunahan mismo ni Governor Jose Ma. R. Zubiri, Jr. ang Inauguration Ceremony and Blessing sa maong edipisyo nga nahimutang sa Capitol Compound, Barangay 9 ning syudad sa Malaybalay, kaganiha-Marso 8, 2022.

Sobrang gikalipay kini sa nagkalain-laing stakeholders sa lalawigan gumikan sa gihatag nga importansya sa PGB, ubos sa liderato ni Governor Zubiri nga matutokan ang panginahanglanon sa kabatan-onan, ilabi na kadtong children at risk (CAR) ug children in conflict with the law (CICL).

Agig pagsunod sa lagda sa Sek. 49 sa Akta Republika Nu. 10630 o ang Juvenile Justice System sa nasud, gipalabang sa Sangguniang Panlalawigan ang Provincial Ordinance No. 2017-31R(13th SP) o mas naila nga “The Balay Paglaum Ordinance of Bukidnon” niadtong Agosto 15, 2017, diin nakalatid ang katukoran sa Bahay Pag-asa o Balay Paglaum, samtang sa Sek. 50 sa Akta Republika Nu. 9344 diin nakatakda usab sa katukoran sa Juvenile Justice and Welfare Council.

Ang Kagamhanang Probinsyal nanlimbasug nga matuman ang nakalatid sa lokal nga balaod sa lalawigan, hinungdan nga giisip nga dakong kalampusan ang pagpabarug sa Balay Paglaum alang sa kabatan-onan nga nakabuhat ug salaud nga nag-edad 15 anyos ug usa ka adlaw apan dili molapas sa 18 anyos nga dili na subling makahimo sa krimen pinaagi sa pagsiguro nga sila mapaubos sa rehabilitasyon, maprotektahan, mahasa, ipasiugda ang ilang mga katungod ug mahibalik sa ilang mga pamilya ug komunidad. Ang Balay Paglaum usa ka 24-hour residential center nga magtanyag ug mga programa ug serbisyo ngadto sa 30 ka mga female children ug laing 30 male children.

Sobrang gikalipay ni Governor Zubiri ang nakab-ot nga kalampusan sa dihang nasusi niini ang tibuok edipisyo alang sa sector sa kabatan-onan. “This thing is one of the best things that we’ve done in the Province of Bukidnon. Kita diri sa Bukidnon, nangita gyud kita’g paagi. I never thought this would be as beautiful as this. When I first came here today, I said to myself, I have never seen a building like this for the children who have gone astray by having taking drugs, etc…” – tipik sa pamahayag sa gobernador sa maong kalihukan.

Mitambong sa maong kalihukan ang mga department heads sa Kapitolyo Probinsyal, mga miyembro sa 26th SP sila board member Atty. Nemesio B. Beltran, Jr., Provincial IPMR Datu Richard Dinlayan Macas, Board Members Minerva Casinabe, Lorenzon L. Dinlayan, Jr., Princess Grace Gayon, Provincial Prosecutor’s Office, PNP-BukPPO, uban sa sektor sa edukasyon, pinaagi sa Bukidnon State University, kababaihan ug uban pang stakeholders.

###